adminMana Enadu:టాలీవుడ్ యంగ్ హీరో నాగ చైతన్య, నటి శోభితా ధూళిపాళ్ల నిశ్చితార్థ ఇటీవలే హైదరాబాద్లో జరిగిన విషయం తెలిసిందే. ఎంగేజ్మెంట్కు సంబంధించిన ఫొటోలను నాగార్జున సోషల్ మీడియాలో పోస్టు చేసి ఈ జంటకు శుభాకాంక్షలు తెలిపారు. అలా ఈ విషయం వెలుగులోకి వచ్చింది. ఇక పెళ్లి ఎప్పుడో మాత్రం అప్పుడు చెప్పలేదు. అయితే తాజాగా ఈ జంట పెళ్లి పనులు ప్రారంభమయ్యాయి.
చై- శోభిత పెళ్లి పనులు షురూ
పసుపు దంచుతున్న ఫొటోలను శోభితా తన ఇన్స్టాలో షేర్ చేసింది. ప్రస్తుతం ఇవి వైరల్గా మారాయి. పెళ్లి ఎక్కడ అని అభిమానులు కామెంట్స్ చేస్తున్నారు. విదేశాల్లో గ్రాండ్గా డెస్టినేషన్ వెడ్డింగ్ చేసుకుంటారా లేదా ఇండియాలోనే చేసుకుంటారా అనే విషయంపై క్లారిటీ రావాల్సి ఉంది. దాదాపుగా వీరి వివాహం హైదరాబాద్లోనే ఘనంగా జరుగుతుందని టాక్ వినిపిస్తోంది. మరోవైపు వీరి వివాహ తేదీ కూడా అధికారికంగా ప్రకటించాల్సి ఉంది.
అనంతమైన ప్రేమకు నాంది
ఇక నాగ చైతన్య- శోభితా నిశ్చితార్థం 2024 ఆగస్టులో హైదరాబాద్లో కుటుంబ సభ్యులు, అతి తక్కువ మంది సన్నిహితుల సమక్షంలో జరిగిన విషయం తెలిసిందే. ఆ ఫొటోలను చైతూ ఫాదర్ కింగ్ నాగార్జున సోషల్ మీడియాలో షేర్ చేస్తూ కొత్త జంటకు శుభాకాంక్షలు తెలిపారు. వారి జీవితం సంతోషం, ప్రేమతో నిండాలని కోరుకుంటూ 8.8.8 (08-08-2024) అనంతమైన ప్రేమకు నాంది అంటూ క్యాప్షన్ రాసుకొచ్చారు. వచ్చే ఏడాది మార్చిలో వీరి పెళ్లి జరగనున్నట్లు ఇండస్ట్రీ వర్గాల్లో టాక్ వినిపించగా.. ఇప్పుడేమో పెళ్లి పనులు ప్రారంభం కావడంతో ఆ తేదీ మరింత ముందుగానే ఉండబోతున్నట్లు తెలుస్తోంది.
త్వరలోనే తండేల్తో
ఇక నాగచైతన్య సినిమాల సంగతికి వస్తే ప్రస్తుతం అతడు ‘తండేల్’ సినిమాతో బిజీగా ఉన్నాడు. చందూ మొండేటి ఈ సినిమాకు దర్శకత్వం వహిస్తుండగా.. సముద్రం బ్యాక్డ్రాప్లో ఈ సినిమా తెరకెక్కుతోంది. ఇందులో చైతూకు జోడీగా లేడీ సూపర్ స్టార్ సాయి పల్లవి హీరోయిన్గా నటిస్తోంది. మరోవైపు శోభితా తెలుగు, హిందీ చిత్ర పరిశ్రమలో పలు సినిమాల్లో నటిస్తోంది.
#SobhitaDhulipala & #NagaChaitanya’s Wedding Preparations Begin! 💍✨
The couple is gearing up for their big day! Sobhita shared stunning pics from a pre-wedding ceremony with the caption, “Godhuma Raayi Pasupu danchatam And so it begins!” Wedding date is still under wraps, but… pic.twitter.com/q1oGCnXtQw
— TopTeluguNews (@TheSPRWorld) October 21, 2024
swarna boddula
Desk
