admin‘ఐఫా’ అవార్డుల (IFFA Awards) వేడుకలో రానా దగ్గుబాటి (Rana Daggubati) – తేజా సజ్జ (Teja Sajja) తమ హోస్టింగుతో ప్రేక్షకులను అలరించిన విషయం తెలిసిందే. అయితే ఈ క్రమంలో వారు చేసిన కొన్ని వ్యాఖ్యలు.. మరికొన్ని జోకులు ఇప్పుడు నెట్టింట బాగా వైరల్ అవుతున్నాయి. అయితే వీటిలో కొన్ని కామెంట్స్ వివాదాస్పదమైన విషయం తెలిసిందే. దీనిపై తాజాగా తేజ క్లారిటీ ఇచ్చారు.
‘‘ఐఫా వేడుకకు చాలా ప్రాధాన్యం ఉంది. ఇదో నేషనల్ స్థాయి ఈవెంట్. ఎంతో మంది స్క్రిప్టు రైటర్స్ దీని కోసం వర్క్ చేశారు. అన్నీ చెక్ చేసుకున్న తర్వాతే మాకు స్క్రిప్టు ఇచ్చారు. ఇప్పుడు సోషల్ మీడియాలో వైరల్ అవుతున్న వీడియోలన్నీ కట్ చేసిన క్లిప్స్. ఫుల్ వీడియో చూసుంటే ఇది వివాదాస్పదం (IIFA Telugu Controversy) కాకపోయుండేది.
రానా నాపై జోకులు వేశారు. అందరూ వాటిని జోక్గానే చూశారు. చిన్నప్పటి నుంచి నేను ఇండస్ట్రీలో ఉండటం వల్ల హీరోలతో నాకు మంచి రిలేషన్ ఉంది. నేనెప్పుడు ఇతరులను తక్కువ చేసి మాట్లాడను. మా కామెంట్స్ ను సరిగ్గా అర్థం చేసుకోకపోవడం వల్లే ఇది కాంట్రవర్సీగా మారింది.’’ అని తేజ క్లారిటీ ఇచ్చారు.
మరోవైపు ఇదే విషయంపై రానా దగ్గుబాటి కూడా స్పందిస్తూ.. ‘‘నేచురల్ స్టార్ నాని (Nani) నాకో సలహా ఇచ్చారు. నెక్స్ట్ టైమ్ నుంచి జోక్స్ వేసినప్పుడు.. అది జోక్ అని తెలిసినట్లు వెయమని చెప్పారు. ఇది జోక్.. అందరూ నవ్వండి అని నెక్స్ట్ టైమ్ నుంచి ఒక సబ్ టైటిల్ వేద్దామనుకుంటున్నాను’’ అని రానా అన్నారు.
Desk
swarna boddula
