admin
టాలీవుడ్ దర్శకుడు పూరి జగన్నాథ్ (Puri Jagannadh) వరుస ఫ్లాపులతో సతమతమవుతున్న విషయం తెలిసిందే. ఒకప్పుడు బ్లాక్ బస్టర్ హిట్స్ ఇచ్చిన పూరి.. గత కొంతకాలంగా వరుస డిజాస్టర్లు మూటగట్టుకుంటున్నాడు. ఇక తాజాగా ఆయన కోలీవుడ్ హీరోతో మూవీ చేసేందుకు రెడీ అయ్యాడు. తమిళ నటుడు విజయ్ సేతుపతి(Vijay Sethupathi)తో కలిసి ఓ మూవీ చేస్తున్న విషయం తెలిసిందే. ఇటీవలే ఈ చిత్రాన్ని అధికారికంగా ప్రకటించారు.
She’s electric.
She’s explosive .
She’s THE TABU.Proudly welcoming THE GEM OF INDIAN CINEMA, Actress #Tabu on-board for a ROLE as DYNAMIC as her presence in #PuriSethupathi ❤️🔥
A #PuriJagannadh Film
Starring Makkalselvan @VijaySethuOfflProduced by Puri Jagannadh,… pic.twitter.com/WGp0kkuZDl
— Puri Connects (@PuriConnects) April 10, 2025
పూరి-సేతుపతి సినిమాలో టబు
తాజాగా ఈ సినిమా నుంచి మేకర్స్ ఓ అప్డేట్ ఇచ్చారు. ఈ మూవీలో బాలీవుడ్ నటి టబు (Actress Tabu) కీలక పాత్రలో నటించనున్నట్లు ప్రకటించారు. ఈ విషయాన్ని తెలియజేస్తూ చిత్రబృందం ఓ పోస్టు పెట్టింది. ఈ మూవీలో టబు నెగిటివ్ పాత్రలో కనిపించనున్నట్లు తెలిసింది. ‘పూరి కనెక్ట్స్ (Puri Connects)’ నిర్మిస్తున్న ఈ సినిమా రెగ్యులర్ షూటింగ్ జూన్ లో ప్రారంభం కానుందని వెల్లడించింది. ఈ మూవీకి ఛార్మి సహ నిర్మాతగా వ్యవహరిస్తున్నారు.
ఫ్లాపులతో పూరి
గత కొంతకాలంగా పూరి జగన్నాథ్ కు బ్యాడ్ టైం నడుస్తోంది. చాలా కాలంగా సరైన హిట్ లేక సతమతమవుతున్న పూరి.. విజయ్ దేవరకొండతో లైగర్ (Liger) చేశాడు. సూపర్ హిట్ కొట్టి ఇక ఫామ్ లోకి వస్తాడనుకున్న ఈ డైరెక్టర్ డిజాస్టర్ మూటగట్టుకుని మరింత లోతుకు కూరుకుపోయాడు. ఇక డబుల్ ఇస్మార్ట్ (Double Ismart) మూవీతో అదృష్టం పరీక్షించుకుందామనుకుంటే అది కూడా ఫ్లాప్ అయ్యి షాక్ ఇచ్చింది.
swarna boddula
Desk
