Mahesh
వివాదాస్ప‌ద డైరెక్టర్ రామ్ గోపాల్ వర్మ(Director Ram Gopal Varma)కు ఏపీ సీఐడీ(AP CID) అధికారులు మరోసారి నోటీసులు ఇచ్చారు. 2019లో ఆయ‌న తీసిన ‘కమ్మ రాజ్యంలో కడప రెడ్లు’ మూవీపై అన‌కాప‌ల్లి, మంగ‌ళ‌గిరి, ఒంగోలులో కేసులు నమోదైన సంగ‌తి తెలిసిందే. ఈ కేసులో విచార‌ణ‌కు హాజ‌రు కావాల‌ని ఇవాళ (మార్చి 5) CID అధికారులు మరోసారి నోటీసులు జారీ చేశారు. అయితే, ఈ కేసులో ఇంత‌కుముందు జారీ అయిన నోటీసుల(Notice)పై ఆయ‌న తెలంగాణ హైకోర్టు(Telangana High Court)లో పిటిషన్ వేశారు. ప్రస్తుతం ఈ కేసు న్యాయ‌స్థానంలో విచార‌ణ ద‌శ‌లో ఉండ‌గానే RGVకి మళ్లీ నోటీసులు అందాయి.
గతేడాది నవంబర్ 29న కేసు నమోదు
ఇక ఈ కేసుకు సంబంధించి వర్మకు గుంటూరు(Guntur) సీఐడీ అధికారులు గ‌త నెల 10న నోటీసులు జారీ చేశారు. కానీ, ఆయ‌న విచార‌ణ‌కు హాజరుకాకుండా తన తరఫు లాయర్‌ను CID ఆఫీస్‌కు పంపించారు. సినిమా ప‌నుల‌తో బిజీగా ఉన్నందున విచార‌ణ‌కు రాలేన‌ని, త‌న‌కు 8 రోజుల గడువు కావాల‌ని కోరారు. ఆ గడువు పూర్తి కాకముందే వర్మకు నోటీసులు ఇవ్వడం గమనార్హం. ‘కమ్మ రాజ్యంలో కడప రెడ్లు’ సినిమాలోని అభ్యంతరకర సన్నివేశాలను తొలగించలేదన్న ఫిర్యాదుతో ఆయనపై గతేడాది నవంబర్ 29న కేసు నమోదయింది.
