admin
అమెరికా అధ్యక్షుడు డొనాల్డ్ ట్రంప్ (Donald Trump) అనగానే సీరియస్ లుక్స్.. ఎవరి మాట వినని సీతయ్య.. నేనే మోనార్క్ అనే వైఖరి గుర్తుకొస్తుంటుంది. ఎవడైతే నాకేంటి అనే తరహాలో ఆయన వైబ్ కనిపిస్తుంటుంది. ఇక ఆయన తీసుకునే నిర్ణయాలు.. విధానాలు కూడా ట్రంప్ చాలా టఫ్ గురూ అనిపించేలా ఉంటాయి. ఇక తాజాగా ఆయన ప్రపంచ దేశాలపై వేసిన సుంకాల (Trump Tariffs) గురించి ఇప్పటికీ చర్చ జరుగుతూనే ఉంది.
ట్రంప్ బలగం వీడియో
అయితే నిత్యం చాలా బిజీగా ఉండే ట్రంప్.. ఎప్పుడు చాలా సీరియస్ గా ఉండే అమెరికా ప్రెసిడెంట్.. సూటుబూటు ధరించి ఓ డెలిగేట్ లా కనిపించే అగ్రరాజ్యాధినేత (Trump Farmer Attair).. అవన్నీ వదిలేసి ఓ సాధారణ రైతులా.. అదికూడా సగటు భారతీయ కర్షకుడిలా పొలం బాట పడితే ఎలా ఉంటుంది. స్వచ్ఛమైన చిరునవ్వు చిందిస్తూ.. గోమాత సేవలో తరిస్తూ.. కుటుంబంతో కలిసి దీపావళి చేసుకుంటే ఎలా ఉంటుంది.. ఆ ఊహే విభిన్నంగా ఉంది కదూ.
అమెరికా అధ్యక్షుడు డోనాల్డ్ ట్రంప్ భారతదేశంలో రైతులా ఉంటే ఎలా ఉంటాడో ఆర్టిఫిషియల్ ఇంటెలిజెన్స్ (ఏఐ) ద్వారా సృష్టించిన ఈ వీడియో విశేషంగా ఆకట్టుకుంటుంది. pic.twitter.com/ZB6G8XoqdH
— MalathiReddyTDP (@ManaTDPfamily) April 18, 2025
పొలంలో డొనాల్డ్ ట్రంప్
అయితే ట్రంప్ (Trump Farmer Video) ఈ పనులన్నీ చేశారు. రైతులా పొలం బాట పట్టి.. గోమాతకు సేవ చేసి.. కుటుంబంతో దీపావళి పండుగ జరుపుకుని టపాసులు పేల్చారు ట్రంప్. ఇదేంటి అనుకుంటున్నారా.. అదంతా ఏఐ మాయ. ట్రంప్ రైతు వేషధారణలో ఉండి.. భారతీయుడిగా కనిపించిన ఏఐ వీడియో ఒకటి ఇప్పుడు నెట్టింట వైరల్ అవుతోంది. ఈ వీడియో చూసి నెటిజన్లు ఫిదా అవుతున్నారు.
రైతు వేషధారణలో ట్రంప్
పల్లెటూరిలో వృద్ధ రైతుగా మారిన ట్రంప్ (Donald Trump AI Video).. సైకిల్ పై గడ్డిమోపు తీసుకెళ్తూ.. ఆవును తోలుకెళ్తూ.. చెట్టెక్కి పూలు కోస్తూ.. మనవడు మనవరాళ్లతో కలిసి టపాసులు కాలుస్తూ ఈ వీడియోలో కనిపించారు. ఇక ఈ ఏఐ వీడియో బ్యాక్‌ గ్రౌండ్‌లో ‘బలగం’ సినిమా సాంగ్ వినిపించింది. ఈ వీడియో ఇప్పుడు నెట్టింట బాగా వైరల్ అవుతోంది. ట్రంప్ తాత భలే క్యూట్ అంటూ నెటిజన్లు కామెంట్లు చేస్తున్నారు. ఏఐ మ్యాజికా మజాకా అంటూ మరికొందరు కామెంట్ల వర్షం కురిపిస్తుంటే.. ఇండియన్ రైతు గెటప్ ట్రంప్ నకు భలే బాగా సెట్ అయిందని ఇంకొందరు అంటున్నారు.
Desk
