adminMana Enadu : రెబల్ స్టార్.. పాన్ ఇండియా స్టార్.. డార్లింగ్ హీరో.. ప్రభాస్ (Prabhas Birth Day) ఫ్యాన్స్ కు అదిరిపోయే న్యూస్. ఇప్పటికే సలార్, కల్కి సినిమాలతో బ్లాక్ బస్టర్ హిట్స్ ఇచ్చిన ప్రభాస్ ఇప్పుడు తన అభిమానులను మరింత అలరించేందుకు రెడీ అవుతున్నాడు. సలార్-2, కల్కి-2 (Kalki Part 2), రాజాసాబ్, స్పిరిట్ (Spirit Movie), ఫౌజీ సినిమాలతో ప్రస్తుతం డార్లింగ్ బిజీ బిజీగా ఉన్నాడు. ఇక అక్టోబర్ 23వ తేదీన ఈ డార్లింగ్ హీరో పుట్టిన రోజు. ఈ సందర్భంగా అభిమానులకు ఈ పాన్ ఇండియా స్టార్ వరుస సర్ ప్రైజులు ఇచ్చేందుకు రెడీగా ఉన్నాడు.
రాజాసాబ్ అప్డేట్స్ ఆరోజే
ప్రభాస్ పుట్టిన రోజు సందర్భంగా అక్టోబర్ 23న రాజాసాబ్ (Rajasaab Movie Update) సినిమాకు సంబంధించిన అప్డేట్స్ వస్తాయని మూవీ మేకర్స్ ప్రకటించారు. ఇక మారుతి దర్శకత్వంలో వస్తున్న ఈ సినిమాలో మాళవిక మోహనన్ (Malavika Mohanan), నిధి అగర్వాల్ (Nidhi Agarwal) హీరోయిన్లుగా నటిస్తున్నారు. చాలా రోజుల నుంచి ఇంటెన్స్ చిత్రాలు చేస్తున్న ప్రభాస్ ఈ సినిమా ద్వారా తన నటనలోని మరో యాంగిల్ ను చూపించబోతున్నాడట. హార్రర్ కామెడీగా తెరకెక్కుతున్న ఈ సినిమాపై ప్రేక్షకులకు భారీ అంచనాలున్నాయి.
ఈశ్వర్ రీ రిలీజ్
ఇక డార్లింగ్ బర్త్ డే సందర్భంగా అభిమానులకు మరో అదిరిపోయే న్యూస్. 22 ఏళ్ల క్రితం ప్రభాస్ హీరోగా తెరంగేట్రం చేసిన చిత్రం ‘ఈశ్వర్ (Eeswar Movie)’ సినిమాను రీ రిలీజ్ చేసేందుకు మేకర్స్ సన్నాహాలు చేస్తున్నారు జయంత్‌ సి.పరాంజీ దర్శకత్వంలో కె.అశోక్‌కుమార్‌ నిర్మాణంలో వచ్చిన ఈ సినిమాను ఈ నెల 23వ తేదీన ప్రభాస్ పుట్టిన రోజు సందర్భంగా గ్రాండ్‌గా రీ రిలీజ్ చేయనున్నారు. ‘రీ ఇంట్రడ్యూసింగ్‌ ప్రభాస్’ అంటూ వదిలిన ‘ఈశ్వర్’ ట్రైలర్ ఇప్పడు అందర్నీ ఆకట్టుకుంటోంది.
swarna boddula
Desk