తెలంగాణ ప్రభుత్వ స్కూళ్లకు గుడ్‌న్యూస్‌..ఆ రెండు రోజులు సెలవులు!

మన ఈనాడు:తెలంగాణ లో ఎన్నికలు ఈ నెల 30 న జరుగుతున్న విషయం తెలిసిందే. ప్రభుత్వ పాఠశాలల ఉపాధ్యాయులు ఎన్నికల విధుల్లో పాల్గొంటారు. కాబట్టి నవంబర్‌ 29, 30 తారీఖుల్లో ప్రభుత్వ పాఠశాలలకు సెలవు ప్రకటించే అవకాశాలు కనిపిస్తున్నాయి.
తెలంగాణలో ఎన్నికల జోరు మంచి హుషారుగా సాగుతుంది. ఇప్పటికే ప్రధాన పార్టీల నేతలందరూ కూడా తమ ప్రచార పనుల్లో ఫుల్‌ బిజీగా ఉన్నారు. ఎన్నికల నోటిఫికేషన్‌ విడుదల అయినప్పటి నుంచి కూడా రాష్ట్రంలో ప్రతి వీధిలో ఎన్నికల హడావిడి కనిపిస్తుంది. ఎన్నికలు అంటే కేవలం రాజకీయ నాయకులతోనే అయిపోదుగా..!

ఎన్నికల అధికారులు, ఉపాధ్యాయులు పెద్ద సంఖ్యలో పాల్గొని ఎన్నికల ప్రక్రియను విజయవంతం చేస్తారు. వీరిలో ఉపాధ్యాయులది కీలక పాత్ర అనే చెప్పవచ్చు. ఈ నెల 30 న తెలంగాణ అసెంబ్లీ ఎన్నికలకు రాష్ట్రంలోని ఉపాధ్యాయుల్లో సుమారు 80 శాతం మంది విధుల్లో పాల్గొంటారు. ఈ విషయాన్ని దృష్టిలో ఉంచుకొని పోలింగ్‌ తేది నవంబర్‌ 30, దాని ముందురోజు నవంబర్‌ 29 న రెండు రోజులు కూడా ప్రభుత్వ పాఠశాలకు ప్రకటించే అవకాశాలు కనిపిస్తున్నాయి.

ఎన్నికల సంఘం సూచన మేరకు దీనికి సంబంధించిన అధికారిక ప్రకటన వెలువడే అవకాశాలున్నట్లు విద్యాశాఖ వర్గాలు చెబుతున్నాయి. ఎన్నికల్లో విధుల్లో పాల్గొనే టీచర్స్‌ నవంబర్‌ 29 నే ఈవీఎం యంత్రాలు తీసుకునేందుకు రెడీగా ఉన్నామంటూ అధికారులకు రిపోర్ట్‌ చేయాల్సి ఉంటుంది. పోలింగ్‌కు ముందు రోజే మధ్యాహ్నానికే పోలీంగ్‌ కేంద్రాలు అయినటువంటి పాఠశాలలకు ఉపాధ్యాయులు చేరుకోవాల్సి ఉంటుంది.

ఎన్నికలు పూర్తయ్యి ఈవీఎంలను ఎన్నికల అధికారులకు సమర్పించి మొత్తం పూర్తి చేసే సరికి ఎన్నికల రోజు అర్థరాత్రి దాటుతుంది. ఈ ఏడాది రాష్ట్రంలోని ఉపాధ్యాయుల్లో 80 శాతం మంది ఎన్నికల విధుల్లో పాల్గొంటున్నట్లు సమాచారం. ఈ మేరకు రెండు రోజులు ప్రభుత్వ పాఠశాలలకు సెలవులు ఇవ్వాలని విద్యాశాఖ వర్గాలు అనుకుంటున్నాయి.

ఇదిలా ఉంటే ఎన్నికల తరువాత రోజు కూడా ఉపాధ్యాయులకు అంటే డిసెంబర్‌ 1న కూడా సెలవు ఇవ్వాలనే డిమాండ్‌ మొదటి నుంచి కూడా వినిపిస్తోంది.దీని గురించి ఎన్నికల సంఘాన్ని రాష్ట్ర గెజిటెడ్ ప్రధానోపాధ్యాయుల సంఘం అధ్యక్షుడు రాజభాను చంద్రప్రకాశ్‌, తెలంగాన మోడల్‌ స్కూల్‌ టీచర్స్‌ అసోసియేషన్‌ (టీఎంఎస్‌టీఏ) రాష్ట్ర అధ్యక్షుడు భూతం యాకమల్లు కోరారు.

Related Posts

HAPPY TEACHERS DAY 2024 : తెలంగాణలో ఉత్తమ టీచర్లుగా 103 మంది.. నేడే అవార్డుల ప్రదానం

ManaEnadu:“గురు బ్రహ్మ, గురు విష్ణు, గురు దేవో మహేశ్వర; గురు సాక్షాత్ పరః బ్రహ్మ, తస్మై శ్రీ గురవే నమః”. గురువే ఆ బ్రహ్మదేవుడు, గురువే ఆ విష్ణుమూర్త, గురువే మనలోని అజ్ఞానాన్ని పారద్రోలే ఆ మహేశ్వరుడు. అటువంటి గురువుకు శిరస్సువంచి…

Holidays:విద్యార్థులకు గుడ్ న్యూస్.. మరో మూడ్రోజులు పాఠశాలలకు సెలవులు

ManaEnadu:తెలుగు రాష్ట్రాలను వరణుడు (Telangana Rains) ఇంకా వీడటం లేదు. ఇప్పటికీ పలు ప్రాంతాల్లో వర్షాలు కురుస్తూనే ఉన్నాయి. ముఖ్యంగా తెలంగాణలో ఉపరితల ఆవర్తనం ప్రభావంతో రాష్ట్రంలో మంగళవారం అర్ధరాత్రి పలుచోట్ల భారీ వర్షం కురిసింది. సిద్దిపేట, నిర్మల్​, నిజామాబాద్​, పెద్దపల్లి,…

Leave a Reply

Your email address will not be published. Required fields are marked *