admin
హైదరాబాద్ నగరంలోని పలు ప్రాంతాల్లో వర్షం(Rain) దంచికొడుతోంది. ఉరుములు మెరుపులతోపాటు బలమైన ఈదురు గాలులు వీస్తున్నాయి. కాగా శుక్రవారం మధ్యాహ్నం వరకూ తీవ్ర ఎండగా ఉన్నప్పటికీ సాయంత్రం 4 గంటల తర్వాత వాతావరణం ఒక్కసారిగా మారిపోయింది. ఆకాశంలో మేఘాలు కమ్మేశాయి. దీంతో వర్షం కురుస్తోంది. ఈ మేరకు బంజారాహిల్స్, జూబ్లీహిల్స్, ఖైరతాబాద్, సచివాలయం, సికింద్రాబాద్, తార్నాక, కూకట్ పల్లి, యూసఫ్‌గూడ, నాంపల్లి, ఫిలింనగర్, గచ్చిబౌలి, చిక్కడపల్లి తదితర ప్రాంతాలతో పాటు మరికొన్ని చోట్ల వర్షం దంచికొడుతుంది.
Heavy Rains Lash Hyderabad 🌧️
Strong winds and heavy rainfall reported in Kokapet, Gandipet Mandal.#HyderabadRains #Kokapet #Gandipet #TelanganaWeather #HeavyRainfall pic.twitter.com/innUe9noUX
— Hyderabad Mail (@Hyderabad_Mail) April 18, 2025
ప్రజలు జాగ్రత్తగా ఉండాలి: GHMC
అలాగే దిల్‌సుఖ్‌నగర్, LB నగర్, కొత్తపేట, హయత్ నగర్, ఉప్పల్‌తో మరికొన్ని ప్రాంతాల్లోనూ వర్షం పడుతోంది. పలు ప్రాంతాల్లో భారీగా ట్రాఫిక్ జామ్(Traffic Jam) ఏర్పడింది. దీంతో వాహనదారులు ఇబ్బందులు పడుతున్నారు. కాగా మరో 3 గంటలపాటు నగరాన్ని ఈ కుండపోత వర్షం కొనసాగనుందని, లోతట్టు ప్రాంతాల ప్రజలు అప్రమత్తంగా ఉండాలని అధికారులు హెచ్చరించారు. అత్యవసరం అయితే తప్ప ఇళ్ల నుంచి బయటికి రావొద్దని, మ్యాన్ హోల్స్ ప్రాంతాల్లో సురక్షితంగా ఉండాలని GHMC అధికారులు అలర్ట్స్ జారీ చేశారు.
రేపు ఈ జిల్లాల్లో వర్షాలు
ఇదిలా ఉండగా తెలంగాణలోని పలు జిల్లాల్లో రేపు కూడా వర్షాలు పడతాయని వాతావరణ శాఖ పేర్కొంది. నల్గొండ, సూర్యాపేట, మహబూబాబాద్‌, వరంగల్‌, హన్మకొండ, రంగారెడ్డి, హైదరాబాద్, మేడ్చల్‌ మల్కాజ్‌గిరి, వికారాబాద్‌, సంగారెడ్డి, మెదక్‌, మహబూబ్‌నగర్‌, నాగర్‌ కర్నూల్‌, వనపర్తి, జోగులాంబ గద్వాల జిల్లాల్లోనూ ఇదే పరిస్థితి ఉండొచ్చని అంచనా వేసింది. ఈ జిల్లాలకు ఎల్లో హెచ్చరికలను జారీ చేసింది.
Light to moderate rain and light thunderstorm with maximum surface winds to continue in #Hyderabad and #Rangareddy districts till 8.30 PM, informs @metcentrehyd #HyderabadRains@THHyderabad pic.twitter.com/oTvXl0kaDQ
— Siddharth Kumar Singh (@The_SidSingh) April 18, 2025
Desk
