admin
పాన్ ఇండియా స్టార్ ప్రభాస్ (Prabhas) హీరోగా హను రాఘవపూడి దర్శకత్వంలో ఓ సినిమా వస్తున్న విషయం తెలిసిందే. ‘ఫౌజీ (Fauji)’ అనే టైటిల్ తో ప్రచారంలో ఉన్న ఈ చిత్రం పూజా కార్యక్రమం నుంచి భారీ అంచనాలు క్రియేట్ చేసింది. పీరియాడిక్ డ్రామాగా తెరకెక్కుతున్న ఈ సినిమా నుంచి తరచూ అప్డేట్స్ సోషల్ మీడియాలో వైరల్ అవుతున్న విషయం తెలిసిందే.
రజాకార్ ఎపిసోడ్
తాజాగా ఫౌజీ గురించి ఓ న్యూస్ నెట్టింట బాగా ట్రెండ్ అవుతోంది. ఈ చిత్రంలో హను రాఘవపూడి (Hanu Raghavapudi) రజాకార్ల ఎపిసోడ్ తో ఓ సీక్వెన్స్ రూపొందిస్తున్నారట. ఈ సీక్వెన్స్ భారీ యాక్షన్ తో చాలా ఎమోషనల్ సీన్స్ తో తీయనున్నారట. ఈ మూవీకే ఈ సీక్వెన్స్ హైలైట్ గా నిలుస్తుందని సమాచారం. దీనికి సంబంధించిన సీన్స్ ను మార్చిలో షూట్ చేసేందుకు మేకర్స్ ప్లాన్ చేస్తున్నట్లు తెలిసింది.
ఫౌజీలో హాలీవుడ్ యాక్టర్
అయితే ఈ రజాకార్ ఎపిసోడ్ లో ఓ కీలక పాత్రకు చాలా ప్రాధాన్యత ఉందట. అందుకే ఈ పాత్ర కోసం ఓ హాలీవుడ్ నటుడి (Hollywood Actor)ని రంగంలోకి దింపుతున్నారట. ఆ నటుడు ఈ పాత్ర కోసం దాదాపుగా ఆరు నెలల నుంచి మేకోవర్ అవుతున్నట్లు సమాచారం. అయితే అతడెవరనేది మాత్రం మేకర్స్ త్వరలో అధికారికంగా ప్రకటించనున్నారట. ఇక ఫౌజీ సినిమాలో పవర్ఫుల్ ఫ్లాష్ బ్యాక్ ఉందని, మునుపెన్నడూ చూడని యాంగిల్ లో ప్రభాస్ ఈ ఫ్లాష్ బ్యాక్ లో కనిపించనున్నాడని సినీ వర్గాల్లో టాక్.
swarna boddula
Desk
