Desk
తమిళ్ స్టార్, ప్రముఖ నటుడు కమల్ హాసన్(Kamal Haasan) కొత్త చిక్కుల్లో పట్టారు. ‘కన్నడ(Kannada) భాష తమిళం(Tamil) నుంచే పుట్టింది’ అని కమల్ ఇటీవల చేసిన వ్యాఖ్యలు కర్ణాటక(Karnataka)లో దుమారం రేపుతున్నాయి. తన తాజా చిత్రం ‘థగ్ లైఫ్(Thug Life)’ ఆడియో రిలీజ్ ఈవెంట్లో ఆయన చేసిన ఈ వ్యాఖ్యలు కన్నడిగుల ఆగ్రహానికి కారణమయ్యాయి. ఈ నేపథ్యంలో కర్ణాటకలోని పలు ప్రాంతాల్లో నిరసన ప్రదర్శనలు చేపట్టారు. తాజాగా కమల్ వ్యాఖ్యలను తీవ్రంగా ఖండిస్తూ కర్ణాటక రక్షణ వేదిక (KVR) రంగంలోకి దిగింది. బెంగళూరులోని RTనగర్ పోలీస్ స్టేషన్లో ఆయనపై ఫిర్యాదు చేసింది.
Kamal Haasan lands in trouble over his remarks on Kannada language during Thug Life promotions in Karnataka. A case has now been filed against him at RT Nagar Police Station, Bengaluru. Karnataka Rakshana Vedike alleges he insulted Kannada and demands action.#KamalHaasan
— Telugu Vibe (@Urs_TeluguVibe) May 29, 2025
కమల్ వ్యాఖ్యలు కన్నడిగుల మనోభావాలను దెబ్బతీశాయని, కన్నడిగులు, తమిళుల మధ్య విద్వేషాలను సృష్టించేలా ఉన్నాయని ఫిర్యాదులో పేర్కొంది. ఆయనపై తక్షణమే చట్టపరమైన చర్యలు తీసుకోవాలని KVR డిమాండ్ చేసింది. దీంతో కమల్పై పోలీసులు కేసు(Case) నమోదు చేసినట్లు తెలుస్తోంది.
ఇప్పటికే సారీ చెప్పిన కమల్
అయితే, తన వ్యాఖ్యలపై కమల్ హాసన్ స్పందిస్తూ ఇప్పటికే సారీ చెప్పారు. తాను ప్రేమతో ఆ వ్యాఖ్యలు చేశానని, ఎవరినీ అగౌరవపరచాలనే ఉద్దేశం తనకు లేదని అన్నారు. భాషల చరిత్ర గురించి మాట్లాడే అర్హత రాజకీయ నాయకులకు లేదని పేర్కొన్నారు. ఈ చర్చను చరిత్రకారులు, భాషా నిపుణులకు వదిలేయాలని అన్నారు. అంతకుముందు కర్ణాటక సీఎం సిద్ధరామయ్య కూడా కమల్కు కన్నడ భాష చరిత్రపై సరైన అవగాహన లేదన్నారు. కాగా కమల్ నటించిన ‘థగ్ లైఫ్’ మూవీ జూన్ 5న ప్రపంచ వ్యాప్తంగా విడుదల కానుంది.
admin
swarna boddula
