admin
పవర్ స్టార్ పవన్ కల్యాణ్ (Pawan Kalyan) హీరోగా నటిస్తున్న లేటెస్ట్ సినిమా ‘హరిహర వీరమల్లు’ (Hari Hara Veera Mallu). ఈ సినిమా నుంచి తరచూ అప్డేట్స్ ఇస్తూ మేకర్స్ ఈ చిత్రంపై హైప్ క్రియేట్ చేస్తున్నారు. ఇప్పటికే లిరికల్ సాంగ్ రిలీజ్ చేసిన మేకర్స్ తాజాగా మరో పాట ప్రోమో విడుదల చేసి అభిమానులకు సర్ ప్రైజ్ ఇచ్చారు. ఈ సినిమాలోని ‘కొల్లగొట్టినాదిరో (Kollagottinadhiro)’ పాట ప్రోమోను మేకర్స్ రిలీజ్ చేశారు. ఈ నెల 24న సాయంత్రం 3 గంటలకు ఈ పాటను మొత్తం విడుదల చేయనున్నట్లు తెలిపారు.
చిచ్చర పిడుగంటివాడు
‘కొరకొర మీసాలతో కొదమ కొదమ అడుగులతో.. కొంటె కొంటె ఝనుకులతో కొలిమిలాంటి మగతిమితో.. సరసర వచ్చినాడు చిచ్చరపిడుగంటివాడు’ అంటూ హీరోయిజాన్ని ఎలివేట్ చేస్తూ ఈ పాట సాగింది. ఇక ఈ పాటలో అనసూయ (Anasuya), పూజిత పొన్నాడ ప్రత్యేక ఆకర్షణగా నిలిచారు. ఇక ఈ పాటను మంగ్లీ, రమ్య బెహ్రా, యామిని ఘంటసాల, రాహుల్ సిప్లిగంజ్ పాడారు. ఈ పాటకు ఎం.ఎం. కీరవాణి మ్యూజిక్ అందించగా.. చంద్రబోస్ సాహిత్యం అందించారు. మార్చి 28వ తేదీన ఈ సినిమా పార్ట్ 1 ప్రేక్షకుల ముందుకు రానుంది. ఇందులో పవన్ కల్యాణ్ సరసన నిధి అగర్వాల్ (Nidhi Agarwal) నటిస్తోంది.
swarna boddula
Desk
