admin
ఎప్పుడెప్పుడా అని ఎదురుచూస్తున్న ‘కన్నప్ప (Kannappa)’ సినిమా టీజర్ వచ్చేసింది. పాన్ ఇండియా భాషల్లో మేకర్స్ ఈ టీజర్ విడుదల చేశారు. మంచు విష్ణు (Manchu Vishnu) డ్రీమ్ ప్రాజెక్టుగా తెరకెక్కుతున్న ఈ సినిమాను 24 ఫిలిమ్స్ ఫ్యాక్టరీ బ్యానర్, అవా ఎంటర్టైన్మెంట్ సంయుక్తంగా నిర్మిస్తున్నాయి. మోహన్ బాబు, మోహన్ లాల్ (Mohan Lal), అక్షయ్ కుమార్, కాజల్ అగర్వాల్, శరత్ కుమార్, ప్రీతి ముకుందన్ కీలక పాత్రల్లో నటిస్తున్నారు. ముకేశ్ కుమార్ సింగ్ దర్శకత్వం వహిస్తున్న ఈ సినిమాలో ప్రభాస్ గెస్ట్ రోల్ లో కనిపించనున్నాడు.
ప్రభాస్ ఎంట్రీ అదుర్స్
తాజాగా విడుదల చేసిన టీజర్ ఆద్యంతం ఆసక్తిగా సాగింది. తన ప్రజలను కాపాడుకునేందుకు తిన్నడు చేసిన పోరాటం, దేవుడంటే నమ్మకం లేని తిన్నడు భక్త కన్నప్పగా మారిన వైనం ఈ సినిమాలో చూపించబోతున్నట్లు టీజర్ (Kannappa Teaser) చూస్తే తెలుస్తోంది. ఇక టీజర్ చివరలో రుద్రుడిగా ప్రభాస్ ఎంట్రీ అదిరిపోయింది. 1.24 నిమిషం సాగిన టీజర్ లో చివరి 5 సెకన్లు గూస్ బంప్స్ తెప్పించాయి. ఈ చిత్రంలో ప్రభాస్ (Prabhas) గెస్ట్ రోల్ సినిమాకే హైలైట్ నిలవనున్నట్లు టాక్. ఈ సినిమా ఏప్రిల్ 25వ తేదీన ప్రపంచ వ్యాప్తంగా విడుదల కానుంది.
swarna boddula
Desk
