ఓటీటీలోకి ‘ముఫాసా : ది లయన్‌ కింగ్’

హాలీవుడ్ బ్లాక్ బ‌స్ట‌ర్ ‘ముఫాసా: ది లయన్‌ కింగ్ (Mufasa The Lion King)’ డిసెంబర్ 20వ తేదీన ప్రపంచ వ్యాప్తంగా ప్రేక్షకులను అలరించిన విషయం తెలిసిందే. ది లయన్ కింగ్ సినిమాకు ప్రీక్వెల్ గా వచ్చిన ఈ చిత్రం ఇండియాలోనే దాదాపు రూ.100 కోట్ల వసూళ్లు రాబట్టింది. చిన్న పిల్లలతోపాటు పెద్ద వాళ్లను కూడా ఈ సినిమా ఆకట్టుకుంది.

It’s time to experience the legend of Mufasa.#Mufasa: The Lion King, coming to #JioHotstar on March 26 in English, Hindi, Tamil and Telugu. #MufasaOnJioHotstar #JioHotstar #InfinitePossibilities pic.twitter.com/IqN5AxEucR

— JioHotstar (@JioHotstar) March 12, 2025

ఓటీటీలోకి ది లయన్ కింగ్

ఇక ఇప్పుడు దాదాపు మూడు నెలల తర్వాత ఈ సినిమా ఓటీటీలోకి వచ్చేందుకు రెడీ అయింది. ‘ముఫాసా: ది లయన్‌ కింగ్’ (Mufasa The Lion King Ott News) ఓటీటీ అప్‌డేట్‌ని మేకర్స్ తాజాగా అనౌన్స్ చేశారు. ప్ర‌ముఖ ఓటీటీ వేదిక జియో హాట్‌స్టార్‌లో ఈ చిత్రం మార్చి 26వ తేదీ నుంచి అందుబాటులోకి రానుంది. ఈ సినిమా తెలుగుతో పాటు ఇంగ్లీష్, హిందీ, త‌మిళం భాష‌ల్లో స్ట్రీమింగ్ కాబోతోంది.

ముఫాసాకు మహేశ్ డబ్బింగ్

ఇక ఈ సినిమా సంగతికి వస్తే  తెలుగులో ముఫాసా అనే రాజు పాత్ర‌కు మ‌హేశ్ బాబు (Mahesh Babu) డ‌బ్బింగ్ చెప్ప‌ారు. ఈ డబ్బింగ్ తెలుగు ప్రేక్షకులను విపరీతంగా ఆకట్టుకుంది. మరోవైపు హిందీ వెర్ష‌న్‌కు బాలీవుడ్ బాద్ షా షారుక్ ఖాన్ (Shah Rukh Khan) డ‌బ్బింగ్ చెప్పాడు. ముఫాసా కొడుకు పాత్ర అయిన సింబా పాత్ర‌కు షారుఖ్ కొడుకు ఆర్య‌న్ ఖాన్ తన గాత్రం అందించాడు.