admin
రాకింగ్ స్టార్ యశ్ (Yash) పుట్టినరోజు సందర్భంగా ఇవాళ (జనవరి 8న) ఆయన లేటెస్ట్ మూవీ ‘టాక్సిక్ (Toxic)’ నుంచి మేకర్స్ క్రేజీ అప్డేట్ ఇచ్చారు. టాక్సిక్ బర్త్ డే పీక్ అంటూ ఓ గ్లింప్స్ వీడియో రిలీజ్ చేశారు. ఈ వీడియోలో యశ్ స్టైలిష్ గా కనిపించాడు. ఓ నైట్ క్లబ్ లోకి వైట్ అంట్ వైట్ సూటులో అల్ట్రా స్టైలిష్ గా ఎంట్రీ ఇచ్చాడు. ఇక చుట్టూ బాడీగార్డ్స్ తో ఇటాలియన్ మాఫియా బాస్ వైబ్స్ ఇచ్చాడు. ప్రస్తుతం ఈ వీడియో నెట్టింట బాగా వైరల్ అవుతోంది.
యశ్ ఫ్యాన్స్ కు సర్ ప్రైజ్
కేవీఎన్ ప్రొడక్షన్స్ సంస్థ భారీ బడ్జెట్తో అత్యంత ప్రతిష్ఠాత్మకంగా ‘టాక్సిక్’ చిత్రాన్ని నిర్మిస్తోంది. పాన్ వరల్డ్ మూవీగా విడుదల చేసేందుకు మేకర్స్ సన్నాహాలు చేస్తున్నారు. మలయాళీ డైరెక్టర్ గీతూ మోహన్ దాస్ ఈ చిత్రాన్ని తెరకెక్కిస్తున్నారు. ఇక ఇందులో కియారా అడ్వాణీ, నయనతార హీరోయిన్లుగా నటిస్తున్నట్లు సమాచారం. మరోవైపు ప్రముఖ బ్రిటీష్ నటుడు బెనెడిక్ట్ గారెట్ కూడా ఈ సినిమాలో ఓ కీలక పాత్ర పోషిస్తున్నట్లు తెలుస్తోంది. ఇక ఈ సినిమా కోసం హాలీవుడ్ టెక్నీషియన్స్ కూడా పనిచేస్తున్నారు.
swarna boddula
Desk
