adminMana Enadu : దేశంలోని అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (SBI) తాజాగా భారీ నోటిఫికేషన్ విడుదల చేసింది. సెంట్రల్ రిక్రూట్మెంట్ & ప్రమోషన్ డిపార్ట్మెంట్, కార్పొరేట్ సెంటర్ – రెగ్యులర్ ప్రాతిపదికన స్పెషలిస్ట్ కేడర్ ఆఫీసర్ పోస్టుల భర్తీకి ఈ నోటిఫికేషన్ ఇచ్చింది. దీని ద్వారా 1,511 స్పెషలిస్ట్ కేడర్ (SBI Special Officer) ఆఫీసర్ నియమకాలకు దరఖాస్తులను ఆహ్వానించింది.
అర్హత, ఆసక్తి ఉన్న అభ్యర్థులు అక్టోబర్ 4వ తేదీలోగా ఆన్లైన్లో దరఖాస్తు చేసుకోవచ్చు. సెప్టెంబరు 14వ తేదీన ప్రారంభమైన దరఖాస్తు ప్రక్రియ మరో మూడ్రోజుల్లో ముగియనుంది. ఈ పోస్టులకు దరఖాస్తు (SBI Job Applications) చేయాలనుకునే వారు బీఈ, బీటెక్, ఎంసీఏ, ఎంటెక్, ఎంఎస్సీ విభాగాల్లో ఉత్తీర్ణతతో పాటు పని అనుభవం కలిగి ఉండాలి.
అర్హత రుసుం వివరాలు ఇవే
2024 జూన్ 30 నాటికి డిప్యూటీ మేనేజర్ (SBI Deputy Manager) పోస్టులకు 25 నుంచి 35 ఏళ్ల వయసు మించకూడదు. మరోవైపు అసిస్టెంట్ మేనేజర్ పోస్టులకు 21 ఏళ్ల నుంచి 30 ఏళ్ల మధ్య వయస్సు ఉన్న వారే అర్హులు. జనరల్, ఓబీసీ అభ్యర్థులు అప్లికేషన్ ఫీజుగా రూ.750 చెల్లించాల్సి ఉంటుంది. దివ్యాంగులకు, ఎస్టీ, ఎస్సీలకు ఫీజు చెల్లింపు నుంచి మినహాయింపు ఉంటుంది.
ఎంపిక విధానం.. వేతనం ఇలా
ముందుగా రాత పరీక్ష ఉంటుంది. అందులో క్వాలిఫై అయిన వారికి ఇంటర్వ్యూ నిర్వహిస్తారు. ఇది గట్టెక్కిన తర్వాత డాక్యుమెంట్ వెరిఫికేషన్, మెడికల్ ఎగ్జామినేషన్ ఉంటుంది. వీటి ఆధారంగా అర్హులైన అభ్యర్థులను ఉద్యోగాలకు ఎంపిక (SBI Job Recruitment) చేస్తారు. ఇక డిప్యూటీ మేనేజర్లకు నెలకు రూ.64,820 నుంచి రూ.93,960, అసిస్టెంట్ మేనేజర్లకు నెలకు రూ.48,480 నుంచి రూ.85,920 వేతనం ఉంటుంది.
పోస్టుల వివరాలు
డిప్యూటీ మేనేజర్ (సిస్టమ్స్) – ప్రాజెక్ట్ మేనేజ్మెంట్ అండ్ డెలివరీ – 187 పోస్టులు
డిప్యూటీ మేనేజర్ (సిస్టమ్స్) – ఇన్ఫ్రా సపోర్ట్ అండ్ క్లౌడ్ ఆపరేషన్స్ – 412 పోస్టులు
డిప్యూటీ మేనేజర్ (సిస్టమ్స్) – నెట్వర్కింగ్ ఆపరేషన్స్ – 80 పోస్టులు
డిప్యూటీ మేనేజర్ (సిస్టమ్స్) – ఐటీ ఆర్కిటెక్ట్ – 27 పోస్టులు
డిప్యూటీ మేనేజర్ (సిస్టమ్స్) – ఇన్ఫర్మేషన్ సెక్యూరిటీ – 07 పోస్టులు
అసిస్టెంట్ మేనేజర్ (సిస్టమ్) – 798 పోస్టులు
మొత్తం పోస్టులు – 1,511
Desk
swarna boddula
