adminManaEnadu:టెలికాం సంస్థ ఎయిర్టెల్ (Airtel).. తన యూజర్లకు భారీ షాక్ ఇచ్చింది. ఇప్పటి వరకు ఎయిర్ టెల్ యూజర్లకు ఉచితంగా అందిస్తున్న వింక్ మ్యూజిక్సేవలకు ఈ సంస్థ గుడ్ బై చెప్పింది. యూజర్లకు మెరుగైన సేవలను అందించేందు ఈ సంస్థ టెక్ దిగ్గజం యాపిల్తో భాగస్వామ్యం (Apple Airtel Partnership) అయినట్లు ఓ ప్రకటన జారీ చేసింది. ఈ వ్యూహాత్మక భాగస్వామ్యంలో భాగంగా వింక్ మ్యూజిక్ సేవలపై కీలక నిర్ణయం తీసుకున్నట్లు తెలిపింది.
ఎయిర్టెల్ యూజర్లకు వింక్ మ్యూజిక్ (Wynk Music) సేవలు ఫ్రీగా అందుతున్న విషయం తెలిసిందే. ఇక నుంచి ఆ సౌకర్యమే కాకుండా అసలు ఆ యాప్నే మూసివేసే యోచనలో కంపెనీ ఉన్నట్లు సమాచారం. మరో రెండు నెలల్లో వింక్ మ్యూజిక్ యాప్ మూసివేయనున్నారు. యాప్ను మూసేసిన తర్వాత అందులోని ఉద్యోగులను ఎయిర్టెల్లోకి తీసుకు రానున్నారు.
ఇప్పటికే వింక్ ప్రీమియం సబ్స్క్రిప్షన్ (Wynk Premium Subscription) తీసుకున్నవారు కొందరు ఉన్న విషయం తెలిసిందే. వారి కోసం ఎయిర్టెల్ ప్రత్యేక ఆఫర్ తీసుకురాబోతోందట. ఎయిర్టెల్ యూజర్లు ఇక నుంచి యాపిల్ మ్యూజిక్ ద్వారా మ్యూజిక్ వినొచ్చు. ఈ విషయాన్ని కంపెనీ వర్గాలు వెల్లడించాయని పీటీఐ పేర్కొంది. ఈ సందర్భంగా ఈ కంపెనీకి చెందిన ఓ అధికారి మాట్లాడుతూ.. త్వరలోనే వింక్ మ్యూజిక్కు నిలిపివేయనున్నామని తెలిపారు. దీంతో Wynk మ్యూజిక్లోని ఉద్యోగులను ఎయిర్టెల్లో సర్దుబాటుచేయనున్నట్లు చెప్పారు.
యాపిల్ భాగస్వామ్యంతో ఎయిర్టెల్ ఐఫోన్ వినియోగదారులకు ప్రత్యేక ప్రయోజనాలు ఉండనున్నాయి. ఎయిర్టెల్ కస్టమర్ల (Airtel Customers)కు రాబోయే రోజుల్లో యాపిల్ టీవీ+, యాపిల్ మ్యూజిక్ కంటెంట్ను యాక్సెస్ను అందించే అవకాశమున్నట్లు ఎయిర్టెల్ చీఫ్ మార్కెటింగ్ ఆఫీసర్ అమృత్ త్రిపాఠి తెలిపారు. ఈ సర్వీసులు ఈ ఏడాది చివరినాటికి అందుబాటులోకి రానున్నట్లు వెల్లడించారు. యాపిల్ మ్యూజిక్ (iMusic) యాప్ ఫీచర్లో ఉండే యాపిల్ మ్యూజిక్ సింగ్, టైమ్-సింక్డ్ లిరిక్స్, లాస్లెస్ ఆడియో, స్పేషియల్ ఆడియో కంటెంట్ను ఇకపై ఎయిర్టెల్ యూజర్లు పొందచ్చొన్నమాట.
Desk
swarna boddula
