adminManaEnadu:నేచురల్ స్టార్ నాని సరిపోదా శనివారం (Saripodhaa Sanivaaram) సినిమాతో ఆగస్టు 29వ తేదీన థియేటర్లలో సందడి చేశారు. పాజిటివ్ టాక్తో ఈ చిత్రం దూసుకెళ్తోంది. నాని ఖాతాలో మరో హిట్ పడినట్లేనని ఫ్యాన్స్ అంటున్నారు. ఇప్పటికే దసరా, హాయ్ నాన్నలతో హిట్లు ఇచ్చిన ఈ స్టార్.. ఇప్పుడు సరిపోదా శనివారంతో హ్యాట్రిక్ కొట్టాడు. ఇలా ఓవైపు హీరోగా సినిమాల్లో నటిస్తూ బిజీగా ఉండే నాని నిర్మాతగా కూడా దూసుకెళ్తున్నాడు.
వాల్ పోస్టర్ సినిమా (Wall Poster Cinema) అనే ప్రొడక్షన్ను స్టార్ చేసిన నాని.. ఈ నిర్మాణ సంస్థలో ఇప్పటికే హనుమాన్ ఫేం డైరెక్టర్ ప్రశాంత్ వర్మతో అ!, టాలీవుడ్ బెస్ట్ థ్రిల్లర్స్లో ఒకటే హిట్ ఫ్రాంచైజీ హిట్, హిట్-2 (HIT 2) నిర్మించాడు. ఇక డిజిటల్ ప్లాట్ఫామ్లోనూ ఎంట్రీ ఇచ్చి మీట్ క్యూట్ (Meet Cute) అనే ఆంథాలజీని నిర్మించాడు. ఇక ఇప్పుడు నాని తన నిర్మాణ సంస్థ నుంచి మరో ఆణిముత్యాన్ని తెరకెక్కిస్తున్నాడు. ఇవాళ (ఆగస్టు 30) వాల్ పోస్టర్ సినిమా నిర్మాణ సంస్థ నుంచి ఓ కొత్త సినిమాను ప్రకటించాడు.
ఇటీవల డార్లింగ్ (Darling Movie) సినిమా ప్రీ రిలీజ్ ఈవెంట్కు హాజరైన నాని మాట్లాడుతూ.. ఆ సినిమా హీరో ప్రియదర్శితో తన నిర్మాణ సంస్థలో ఓ చిత్రాన్ని తెరకెక్కిస్తున్నట్లు ప్రకటించాడు. తాజాగా ఆ సినిమా టైటిల్ను రివీల్ చేస్తూ మోషన్ పోస్టర్ విడుదల చేశారు. ప్రియదర్శి హీరోగా.. నాని నిర్మాతగా.. రామ్ జగదీశ్ దర్శకత్వం వహిస్తున్న ఈ సినిమా పేరు కోర్టు (COURT Movie). స్టేట్ వర్సెస్ ఏ నో బడీ అనేది ట్యాగ్ లైన్.
ఈ పోస్టర్ లో కోర్టు బోనులో న్యాయ దేవత విగ్రహం నిలబడి కనిపిస్తుంది. మోషన్ పోస్టర్ చూస్తుంటే సినిమా సీరియస్ కోర్ట్ డ్రామాగా తెరకెక్కబోతున్నట్లు తెలుస్తోంది. ఇక ఈ సినిమా ట్యాగ్లైన్ (స్టేట్ వర్సెస్ నో బడీ (State Vs A Nobody)) చూస్తుంటే.. ప్రభుత్వానికి వ్యతిరేకంగా ఓ వ్యక్తి చేసే ఒంటరిపోరాటంలా కనిపిస్తోందని నెటిజన్లు అంటున్నారు. మొత్తానికి నాని మరో మంచి కాన్సెప్టుతో వస్తున్నాడని.. ప్రియదర్శి (Priyadarshi) ఖాతాలో మరో వర్సటైల్ సినిమా పడబోతోందని కామెంట్స్ చేస్తున్నారు. మరి ఈ కోర్టు రూమ్లో ఏ డ్రామా జరగబతోందో చూడాలంటే కొన్నాళ్లు ఎదురుచూడాల్సిందే.
swarna boddula
Desk