adminManaEnadu:ఇండియన్ రియాల్టీ షోలల్లో బిగ్బాస్ ది ప్రత్యేకమైన స్థానం. ఈ షో చాలామందికి నచ్చుతుంది. కొందరికి నచ్చకపోయినా సరే చూస్తారు. అదే ఈ షో స్పెషాలిటీ. ఆ హౌస్లో ఏం జరుగుతుందనే దానిపై ఆఫీసులో టీ బ్రేక్లో చర్చలు కూడా నడుస్తుంటాయి. కంటెస్టెంట్స్కు సపోర్టు చేసేందుకు గ్రూపులుగా కూడా డివైడ్ అవుతారు. అలా బిగ్బాస్ షో ఇండియాలో బాగా పాపులర్ అయింది. మొదట్లో కేవలం హిందీలోనే ఉండే ఈ కార్యక్రమాన్ని ఆ తర్వాత మిగతా భాషల్లో కూడా తీసుకువచ్చారు. అలా తమిళంలో చాలా ఏళ్ల నుంచి ‘బిగ్బాస్’ రియాల్టీ షో నడుస్తోంది.
గత ఏడు సీజన్లకు తమిళ్లో బిగ్ బాస్ హోస్టుగా విశ్వనటుడు కమల్ హాసన్ వ్యవహరించారు. అయితే ప్రస్తుతం సీజన్-8 త్వరలో వచ్చేందుకు రెడీ అవుతోంది. ప్రేక్షకులు కూడా ఆసక్తిగా ఈ సీజన్ కోసం ఎదురుచూస్తున్నారు. అయితే ఇక ఈ సీజన్ త్వరలోనే స్టార్ట్ అవుతుంది అనుకుంటున్న సమయంలో కమల్ హాసన్ ఓ షాక్ ఇచ్చారు. రానున్న సీజన్లో తాను హోస్టుగా చేయడం లేదని చెప్పారు. తనకు ముందుగానే ఉన్న వర్క్ కమిట్మెంట్స్ వల్ల చేయలేక పోతున్నానని తెలిపారు.
కమల్ హాసన్ హోస్టుగా తప్పుకున్న తర్వాత తమిళ్ బిగ్ బాస్-8కు నెక్స్ట్ హోస్టు ఎవరేదానిపై తెగ చర్చ జరుగుతోంది. మొదట నటుడు శింబు పేరు తెరమీదకు వచ్చింది. ఏమైందో ఏమో.. తాజాగా ఉన్నట్టుండి ఆ స్థానంలో స్టార్ హీరో విజయ్ సేతుపతి పేరు మార్మోగిపోతోంది. బిగ్బాస్ సీజన్-8కు విజయ్ సేతుపతి హోస్టుగా రానున్నట్లు సోషల్ మీడియా కోడై కూస్తోంది. ఈ హీరోకు నటనలో ఉన్న వర్సటాలిటీ గురించి తెలిసిందే. ఇక ఇంటర్వ్యూలో విజయ్ సేతుపతి ఔరాను చూశాం. ఇప్పటికే తమిళ్లో ‘మాస్టర్ చెఫ్’తో పాటు మరో ప్రోగ్రామ్కు ఆయన హోస్టుగా చేస్తున్నారు. దీంతో ఇప్పుడు బిగ్బాగ్ స్టేజ్పైనా ఆయన రప్ఫాడించబోతున్నారనే టాక్ వినిపిస్తోంది. ఈ విషయంపై అధికారిక ప్రకటన కోసం ఆయన అభిమానులు ఎదురుచూస్తున్నారు.
swarna boddula
Desk
