వీకెండ్ మజా.. OTTలో ఈ తెలుగు టాప్ వెబ్​ సిరీస్​లు చూసేయండి

Mana Enadu:వీకెండ్ వచ్చేసింది. మరి ఈ వీకెండ్​ను బయటకెళ్లి జాలీగా ఎంజాయ్ చేద్దామంటే వర్షాలు పడుతున్నాయి. ఇక ఇంట్లోనే హాయిగా వీకెండ్ ఎంజాయ్ చేయాలనుకుంటున్నారా..? మీ కోసమే అదిరిపోయే సినిమాలు, వెబ్ సిరీస్​లు ఓటీటీలోకి వచ్చేశాయి. రొమాన్స్, కామెడీ, థ్రిల్లర్, సైన్స్ ఫిక్షన్ ఇలా అన్ని రకాల జానర్​లో ప్రేక్షకులను అలరించేందుకు కంటెంట్ రెడీగా ఉంది. అయితే మీకు కావాల్సిన జానర్​లో తెలుగులో ఉన్న ది మోస్ట్ ఎంటర్​టైనింగ్ వెబ్ సిరీస్​ల గురించిమీకు తెలుసా..? గంటల తరబడి ఏం చూడాలా అని వెతకకుండా ఈ స్టోరీ చదివేయండి.. మీకు నచ్చిన జానర్​లో ఓ సినిమానో, లేక వెబ్ సిరీస్​నో ఎంపిక చేసుకుని ఈ వీకెండ్​ను జాలీగా గడపండి.

కుమారి శ్రీమతి: నిత్యా మీనన్ హీరోయిన్​గా శ్రీనివాస్ అవసరాల దర్శకత్వంలో నటించిన డ్రామా కుమారి శ్రీమతి (2023 రిలీజ్). ఇందులో కార్తీకదీపం ఫేమ్ డాక్టర్ బాబు అదేనండి నిరుపమ్ పరిటాల ప్రధాన పాత్రలో నటించాడు. అమెజాన్ ప్రైమ్​లో ఈ వెబ్ సిరీస్ అందుబాటులో ఉంది. నిత్యా మీనన్ పర్ఫామెన్స్​కు ప్రేక్షకులు ఫిదా అయ్యారు. ఫ్యామిలీతో కలిసి జాలీగా ఈ సిరీస్ ఎంజాయ్ చేయొచ్చు.

మోడ్రన్ లవ్ హైదరాబాద్: ఈ వెబ్ సిరీస్ ( జూలై 2022 రిలీజ్) ప్రస్తుతం అమెజాన్ ప్రైమ్ లో స్ట్రీమింగ్ అవుతోంది. నగేష్ కుకునూర్, వెంకటేష్ మహా, ఉదయ్ గుర్రాల, దేవిక బహుధనం ఆరు కథలతో డైరెక్ట్ చేసిన ఆంథాలజీ ఇది. ఇందులో నిత్యా మీనన్, రేవతి, సుహాసిని మణిరత్నం, మాళవికా నాయర్, ఉల్కా గుప్తా ప్రధాన పాత్రల్లో నటించారు.

హాస్టల్ డేస్: ఆదిత్య మండల దర్శకత్వంలో వచ్చిన హాస్టల్ డేస్ వెబ్ సిరీస్ 2023లో అమెజాన్ ప్రైమ్​లో అందుబాటులో ఉంది. ఇందులో దరహాస్ మాటూరు, అక్షయ్ లగుసాని, మౌళి తనూజ్ ప్రశాంత్, ఐశ్యర్య హోల్లకల్, జైత్రీ మకానాలు ప్రధాన ప్రాత్రల్లో నటించారు. ప్రస్తుతం ప్రైమ్​లో టాప్ మోస్ట్ వెబ్ సిరీస్​గా ఉంది.

ధూత: నాగ చైతన్య- ప్రియా భవానీ శంకర్ ప్రధాన పాత్రలో విక్రమ్ కుమార్ దర్శకత్వంలో తెరకెక్కిన హారర్ మిస్టరీ థ్రిల్లర్ ధూత. సాగర్ అనే జర్నలిస్టు పాత్రలో నాగచైతన్య నటించారు. డిసెంబర్ 2023లో విడుదలైన ఈ సిరీస్ అమెజాన్ ప్రైమ్​లో స్ట్రీమింగ్ అవుతోంది.

గ్యాంగ్ స్టార్స్: సినీ పరిశ్రమ నేపథ్యానికి వ్యతిరేకంగా 2018లో విడుదలైన వెబ్ సిరీస్ గ్యాంగ్ స్టార్స్ ప్రస్తుతం అమెజాన్ ప్రైమ్ లో స్ట్రీమింగ్ అవుతోంది. అజయ్ భూయాన్ తెరకెక్కించిన ఈ సిరీస్ ఇద్దరు సినీ తారలు, ఇద్దరు మాజీ ప్రేమికులు, ఒ గ్యాంగ్​స్టర్ జీవితాల చుట్టూ తిరుగుతుంది.