adminమన Enadu: రానున్న పార్లమెంటు ఎన్నికల్లోనూ దేశంలో మూడు రంగుల జెండాదే అధికారం రాబోతుందని వ్వవసాయశాఖ మంత్రి తుమ్మల నాగేశ్వరరావు అన్నారు. రాహులే ప్రధానిగా దేశాభివృద్ధిలో కీలకమైన అడుగులు వేయబోతున్నారని ధీమా వ్యక్తం చేశారు. ఉప్పల్లో జరిగిన మల్కాజిగిరి పార్లమెంటు కాంగ్రెస్ కార్యకర్తల సమావేశంలో ఆయన బీఆర్ఎస్ తీవ్రస్థాయిలో మండిపడ్డారు.
కాంగ్రెస్, భారతీయ జనతాపార్టీల మధ్యనే పోటీ ఉండబోతుందన్నారు. తెలంగాణలోని 17పార్లమెంటు స్థానాల్లో మొత్తం కాంగ్రెస్ అభ్యర్థులు విజయం సాధించబోతున్నారని పేర్కొన్నారు. ప్రగల్భాలు పలుకుతున్న బీఆర్ఎస్ దుకాణం బంద్ చేసే పరిస్థితి వచ్చిందని విమర్శలు చేశారు. గత సర్కారు బీఆర్ఎస్ చేసిన మోసాలను సోషల్ మీడియా వేదికగా ప్రజల్లోకి తీసుకెళ్లాలని కార్యకర్తలకు సూచించారు.
మూడు నెలల సమయంలో ప్రజలకు ఇచ్చిన ఆరు గ్యారంటీలకు నాలుగు గ్యారంటీలు అమలు చేసి ప్రజాప్రభుత్వంగా తిరుగులేని విజయాన్ని రేవంత్ సర్కారు సొంతం చేసుకకుందని తెలిపారు. ఇప్పటికే కాంగ్రెస్ ప్రభుత్వం రాష్ట్రంలో అమలు చేస్తున్న సంక్షేమ పథకాలు ప్రజల్లోకి చేరవయ్యేలా చూడాలని కార్యకర్తలకు పిలుపునిచ్చారు. ఈకార్యక్రమంలో ఉప్పల్ కాంగ్రెస్ ఇంచార్జీ మందముల పరమేశ్వరరెడ్డి, జనంపల్లి వెంకటేశ్వరరెడ్డి, గరిక సుధాకర్ పాల్గొన్నారు.
Desk
swarna boddula
