డిసెంబర్ 31 ‘హ్యంగోవర్’ ఇలా తగ్గించుకోండి

ఎగ్జామ్ పాస్ అయినా.. ఫెయిల్ అయినా.. అమ్మాయి లవ్ ఓకే చెప్పినా.. ప్రపోజల్ రిజెక్ట్ చేసినా.. చివరకు బ్రేకప్ అయినా.. జాబ్ వచ్చినా.. ప్రమోషన్ వచ్చినా.. ఆఖరికి ఉన్న ఉద్యోగం ఊడినా.. ఇలా సందర్భమేదైనా ప్రస్తుతం యూత్ పార్టీ లేదా పుష్పా (New Year Party 2025) అంటూ ప్రతిదానికి పార్టీలు చేసుకుంటున్నారు. ఈ పార్టీల్లో మందు మస్ట్ గురూ అంటూ ఫూటుగా మద్యం సేవిస్తున్నారు. ఇక మరుసటి రోజు హ్యాంగోవర్ తో తలపట్టుకుంటున్నారు.

హ్యాంగోవర్ తగ్గాలంటే?

ఇక 2024కి వీడ్కోలు పలుకుతూ 2025 కొత్త ఏడాదికి (New Year 2025) ఘనంగా ఆహ్వానం పలికే సమయం అయిన డిసెంబరు 31వ తేదీన చాలా మంది పార్టీలు చేసుకున్నారు. ఈ పార్టీల్లోనూ మద్యం మస్ట్. అలా మందు తాగుతూ ఫ్రెండ్స్ తో చిల్ అయిన చాలా మంది జనవరి 1వ తేదీ ఉదయాన్నే హ్యాంగోవర్ తో సతమతమవుతుంటారు. పదే పదే దాహంగా అనిపించడం, తలనొప్పి, కళ్ల నొప్పు, ఒళ్లంతా నొప్పులతో బాధపడుతుంటారు. మరి ఈ హ్యాంగోవర్ తగ్గాలంటే ఏం చేయాలంటే.. ?

ఈ చిట్కాలతో హ్యాంగోవర్ మాయం

హ్యాంగోవర్ (Hangover) తగ్గాలంటే ఎక్కువగా మంచినీళ్లు తాగాలని డాక్టర్లు సూచిస్తున్నారు. దీనివల్ల శరీరంలో నీటిశాతం పెరిగి హాంగోవర్ తగ్గుతుందని చెబుతున్నారు.
చలికాలంలో దాదాపుగా చాలా మంది వేడి నీటితోనే స్నానం చేస్తారు. కానీ రాత్రంతా ఫుల్లుగా తాగిన వారు ఉదయం పూట చల్లని నీటితో స్నానం చేస్తే శరీరంలో రక్తప్రసరణ మెరుగువుతుందని చెబుతున్నారు. దీనివల్ల తలనొప్పి తగ్గుతుందని అంటున్నారు డాక్టర్లు.
మద్యం సేవిస్తున్న సమయంలో ఎక్కువసార్లు మూత్రవిసర్జనకు వెళ్లాల్సి వస్తుంది. దాని వల్ల శరీరం డీహైడ్రేట్ అవుతుంది. అందుకే ఎలక్ట్రోలైట్స్ ఎక్కువగా ఉన్న స్పోర్ట్స్ డ్రింక్స్, కొబ్బరినీరు, గ్లూకోజ్ వాటర్ వంటివి తాగితే కోల్పోయిన ఎలక్ట్రోలైట్స్ను భర్తీ చేస్తాయని చెబుతున్నారు.
అరటిపండ్లు, అవకాడో, యోగర్ట్ లాంటి ఆహార పదార్థాలను తీసుకోవడం ద్వారా హ్యాంగోవర్, తలనొప్పి, అలసట సమస్యలకు చెక్ పెట్టవచ్చంట. వీటిల్లో అధిక మోతాదులో ఉండే పొటాషియం, సోడియం పోషకాలు మీ శరీరాన్ని హైడ్రేట్ చేస్తాయట.