శక్తిమాన్ గా అల్లు అర్జున్.. మరోసారి నేషనల్ లెవెల్‌లో సంచలనం!

తెలుగు సినీ అభిమానులే కాకుండా, పాన్ ఇండియా ప్రేక్షకుల్లోనూ క్రేజ్ ఉన్న స్టార్ హీరో అల్లు అర్జున్(Allu Arjun ), ఇప్పుడు మరోసారి నేషనల్ లెవెల్‌లో సంచలనం సృష్టించబోతున్నట్టు వార్తలు వస్తున్నాయి. ఓ సూపర్ హీరో అవతారానికి సిద్ధమవుతున్నారట బన్నీ. 90వ దశకంలో ప్రతి ఇంట్లో సందడి చేసిన ‘శక్తిమాన్'( Shaktimaan) పాత్రను ఇప్పుడు మళ్లీ వెండితెరపైకి తీసుకురానున్నారు. ఈ రీమేక్‌లో శక్తిమాన్ పాత్రలో బన్నీ చేయనున్నట్టు సమాచారం. ఇది ఇంకా అధికారికంగా ప్రకటించకపోయినా.. హిందీ మీడియా వర్గాల్లో ఈ వార్తలు వైరల్ అవుతున్నాయి.

స్టైలిష్ స్టార్ అల్లు అర్జున్ మరోసారి నేషనల్ లెవెల్‌లో సంచలనం సృష్టించబోతున్నట్టు వార్తలు వస్తున్నాయి. దేశవ్యాప్తంగా గుర్తింపు పొందిన భారతీయ సూపర్ హీరో ‘శక్తిమాన్’ కథను ఆధునిక రూపంలో వెండితెరపైకి తీసుకురావడానికి ప్రయత్నాలు జరుగుతున్నాయి. ఈ ప్రతిష్టాత్మక ప్రాజెక్ట్‌లో అల్లు అర్జున్ టైటిల్ రోల్ పోషించనున్నట్టు హిందీ సినీ వర్గాల్లో జోరుగా ప్రచారం జరుగుతోంది.

1990లలో టీవీ ప్రేక్షకుల హృదయాలను గెలుచుకున్న ‘శక్తిమాన్’ ఇప్పుడు నూతన తరం ప్రేక్షకుల కోసం నూతన వెర్షన్‌లో మళ్లీ రాబోతున్నాడు. ఈ ప్రాజెక్ట్‌కు ‘మిన్నల్ మురళి’ సినిమాతో విమర్శకుల ప్రశంసలు అందుకున్న బాసిల్ జోసెఫ్ దర్శకత్వం వహించనున్నట్లు సమాచారం. టెక్నాలజీ, విజువల్ ఎఫెక్ట్స్ పరంగా అత్యాధునికంగా రూపొందించబోయే ఈ చిత్రం, ఓ పాన్ ఇండియా ఫిలిం మాత్రమే కాకుండా, ఇంటర్నేషనల్ మార్కెట్‌ను కూడా టార్గెట్ చేయనుందని విశ్లేషకుల అభిప్రాయం.

ఈ భారీ ప్రాజెక్ట్ నిర్మాణ బాధ్యతలు సోనీ పిక్చర్స్ చేపట్టనున్నట్లు సమాచారం. అంతేకాక, గీతా ఆర్ట్స్, మరికొన్ని అంతర్జాతీయ ప్రొడక్షన్ కంపెనీలు కూడా ఇందులో భాగమవుతాయని టాక్. తాజాగా అల్లు అర్జున్ పేరు ముందుకు రావడం కొత్త హైప్ క్రియేట్ చేసింది. ఇది అల్లు అర్జున్‌కు తొలిసారి ఒక గ్లోబల్ సూపర్ హీరో ప్రాజెక్ట్‌గా నిలిచే అవకాశం ఉంది. త్వరలోనే ఈ ప్రాజెక్టు కి సంబందించిన అధికారిక ప్రకటన వెలువడే అవకాశాలు ఉన్నాయి.

‘శక్తిమాన్’ అంటేనే ఓ యూనివర్సల్ గుర్తింపు. అలాంటి పాత్రలో అల్లు అర్జున్ కనిపించబోతున్నారనే వార్తలు నిజమైతే, అది భారతీయ సినిమా చరిత్రలో ఓ స్పెషల్ ఎంట్రీగా నిలిచే అవకాశం ఉంది. ఇప్పటికే మేకింగ్, టెక్నాలజీ, కథ – అన్నింటినీ హాలీవుడ్ స్థాయిలో ప్లాన్ చేస్తున్న ఈ ప్రాజెక్ట్‌పై అధికారిక ప్రకటన కోసం సినీ అభిమానులు ఆతృతగా ఎదురు చూస్తున్నారు.

ప్రస్తుతం అల్లు అర్జున్, ప్రశాంత్ నీల్ దర్శకత్వంలో దిల్ రాజు నిర్మిస్తున్న ఓ భారీ యాక్షన్ ఎంటర్‌టైనర్‌కు గ్రీన్ సిగ్నల్ ఇచ్చారు. ఇప్పుడు ‘శక్తిమాన్’ ప్రాజెక్ట్ కూడా ఫైనల్ అయితే, బన్నీ కెరీర్‌లో అది పాన్ వరల్డ్ లెవెల్ టర్నింగ్ పాయింట్ అవుతుందని అభిమానులు భావిస్తున్నారు.