మహారాష్ట్ర, జార్ఖండ్ ఎన్నికలు.. పోలింగ్, కౌంటింగ్ వివరాలు ఇవే

Mana Enadu : మహారాష్ట్ర, జార్ఖండ్ రాష్ట్రాల్లో శాసనసభ ఎన్నికల (Assembly Election Schedule)కు నగారా మోగింది. మహారాష్ట్రలోని 288 శాసనసభ స్థానాలకు ఒకే విడతలో, జార్ఖండ్​లోని 81 అసెంబ్లీ స్థానాలకు రెండు దశల్లో పోలింగ్‌ జరగనున్నట్లు కేంద్ర ఎన్నికల సంఘం ప్రకటించింది. నవంబర్​ 23వ తేదీన ఓట్ల లెక్కింపు జరగనున్నట్లు తెలిపింది.  వీటితో పాటు వివిధ రాష్ట్రాల్లోని 48 అసెంబ్లీ, రెండు పార్లమెంట్ నియోజకవర్గాల్లో ఉప ఎన్నికలు (Lok Sabha By Elections) రెండు విడతల్లో నిర్వహిస్తున్నట్లు కేంద్ర ఎన్నికల సంఘం ప్రధాన కమిషనర్‌ రాజీవ్‌ కుమార్‌ ఎన్నికల షెడ్యుల్​ను ప్రకటించారు.

మహారాష్ట్ర ఎన్నికలు

మహారాష్ట్ర(Maharashtra Election Schedule)లో 288 స్థానాలకు ఒకే విడతలో పొలింగ్ జరగనుంది. ఇక్కడ మొత్తం 9.63 కోట్ల ఓటర్లుండగా.. 1,00,186 పోలింగ్‌ కేంద్రాలు ఏర్పాటు చేయనున్నారు. 20.93లక్షల మంది తొలిసారి ఓటుహక్కు వినియోగించుకోనున్నారు.

• నోటిఫికేషన్ విడుదల తేదీ : అక్టోబర్ 22
• నామినేషన్ల స్వీకరణకు తుది గడువు: అక్టోబర్ 29
• నామినేషన్ల పరిశీలన: అక్టోబర్ 30
• నామినేషన్ల ఉపసంహరణ గడువు: నవంబర్ 4
• పోలింగ్ తేదీ నవంబర్ 20
• ఎన్నికల ఫలితాలు నవంబర్ 23

జార్ఖండ్ ఎన్నికల షెడ్యూల్

జార్ఖండ్ (Jharkhand Election Schedule)​లో రెండు విడతల్లో ఎన్నికలు జరగనున్నాయి. రాష్ట్రంలో మొత్తం 2.69 కోట్ల ఓటర్లుండగా.. 29,562 పోలింగ్‌ కేంద్రాలు ఏర్పాటు చేయనున్నారు. 11.84 లక్షల మంది తొలిసారి ఓటుహక్కు వినియోగించుకోనున్నారు.

మొదటి విడత:

• నోటిఫికేషన్ విడుదల తేదీ: అక్టోబర్ 18
• నామినేషన్ల దాఖలుకు తుది గడువు: అక్టోబర్ 25
• నామినేషన్ల పరిశీలన: అక్టోబర్ 28
• నామినేషన్ల ఉపసంహరణకు తుది గడువు: అక్టోబర్ 30
• పోలింగ్ తేదీ నవంబర్ 13

రెండో విడత:

• నోటిఫికేషన్ విడుదల తేదీ: అక్టోబర్ 22
• నామినేషన్ల దాఖలుకు తుది గడువు: అక్టోబర్ 22
• నామినేషన్ల పరిశీలన: అక్టోబర్ 30
• నామినేషన్ల ఉపసంహరణకు తుది గడువు: నవంబర్ 1
• పోలింగ్ తేది నవంబర్ 20
• ఎన్నికల ఫలితాలు నవంబర్ 23

ఉపఎన్నికలు ఎక్కడెక్కడంటే

దేశంలోని 47 అసెంబ్లీ స్థానాలకు, కేరళలోని వయనాడ్ (Wayanad MP By Poll) పార్లమెంట్ నియోజకవర్గానికి నవంబర్ 13న​ పోలింగ్​ జరగనుంది. 

• నోటిఫికేషన్ విడుదల తేదీ : అక్టోబర్ 18
• నామినేషన్ల స్వీకరణకు తుది గడువు: అక్టోబర్ 25
• నామినేషన్ల పరిశీలన: అక్టోబర్ 15
• నామినేషన్ల ఉపసంహరణ గడువు: అక్టోబర్ 30
• పోలింగ్ తేదీ నవంబర్ 13

ఉత్తరాఖండ్​లోని ఒక అసెంబ్లీ స్థానానికి, మహారాష్ట్రలోని నాందేడ్​ పార్లమెంట్ నియోజకవర్గానికి నవంబర్​ 20న పోలింగ్ జరగనుంది.

• నోటిఫికేషన్ విడుదల తేదీ : అక్టోబర్ 22
• నామినేషన్ల స్వీకరణకు తుది గడువు: అక్టోబర్ 29
• నామినేషన్ల పరిశీలన: అక్టోబర్ 30
• నామినేషన్ల ఉపసంహరణ గడువు: నవంబర్ 4
• పోలింగ్ తేదీ  నవంబర్ 20
• ఫలితాలు నవంబర్ 23