బాలయ్య అన్​స్టాపబుల్​ షోకు మరోసారి చంద్రబాబు.. తోడుగా పవన్ కల్యాణ్!

Mana Enadu : నందమూరి బాలకృష్ణ ఓవైపు సినిమాలతో మరోవైపు ఓటీటీలో ప్రోగ్రామ్స్​తో బిజీబిజీగా ఉన్నాడు. ఇప్పటికే బాబీతో ఓ సినిమా చేస్తున్న బాలయ్య.. ఇటీవలే బోయపాటితో అఖండ-2 (Akhanda) సినిమా పూజా కార్యక్రమాల్లో పాల్గొన్నాడు. ఇక ఈ రెండు సినిమాల షూటింగులతో బిజీగా ఉన్నా.. ఆహా ఓటీటీలో వచ్చే అన్​స్టాపబుల్ టాక్ షో(Unstoppable With NBK)కు హోస్టుగా వ్యవహరిస్తున్నాడు. బాలయ్య హోస్టుగా చేస్తున్న అన్‌స్టాపబుల్ షో మూడు సీజన్లు సూపర్ హిట్​గా నిలిచిన విషయం తెలిసిందే.

అన్​స్టాపబుల్ సీజన్-4

పవన్ కల్యాణ్, మహేశ్ బాబు, ప్రభాస్(Prabhas), రానా వంటి స్టార్ హీరోలు.. చంద్రబాబు, కిరణ్ కుమార్ రెడ్డి వంటి రాజకీయ నేతలు ఈ షోలో పాల్గొన్నారు. ఈ షోతో ప్రేక్షకుల్లో బాలయ్య రేంజ్ ఎక్కడికో వెళ్లిపోయింది. బాలయ్యను మరో కోణంలో ఈ షో ఆవిష్కరించింది. ఇటీవలే అల్లు అరవింద్ కోసమే ఈ షో కంటిన్యూ చేస్తున్నా అని బాలకృష్ణ చెప్పిన విషయం తెలిసిందే. ఈ క్రమంలోనే తాజాగా నాలుగో సీజన్ ఫస్ట్ ఎపిసోడ్ షూటింగ్ జరిగిందట.

అన్​స్టాపబుల్​లో మరోసారి చంద్రబాబు

నాలుగో సీజన్ మొదటి ఎపిసోడ్ మొదట అల్లు అర్జున్(Allu Arjun)​తో స్టార్ అవుతుందని టాక్ నడిచింది. కానీ తాజాగా మొదటి ఎపిసోడ్​లో ఏపీ సీఎం చంద్రబాబు నాయుడు(AP CM Chandrababu Naidu) గెస్టుగా రాబోతున్నారని సమాచారం. ఆయనతో పాటు ఆయన తనయుడు, మంత్రి నారా లోకేశ్, ఏపీ డిప్యూటీ సీఎం కూడా ఈ షోలో పాల్గొనబోతున్నట్లు తెలిసింది. ఈ ముగ్గురు గత సీజన్​లోనూ ఈ షోలో సందడి చేసిన విషయం తెలిసిందే. ఈనెల 24వ తేదీ నుంచి అన్​స్టాపబుల్ విత్ ఎన్​బీకే సీజన్-4(Unstoppable Season 4) ప్రారంభం కాబోతోందట.

అన్​స్టాపబుల్​లో అల్లు అర్జున్

అయితే మొదట ఈ ఎపిసోడ్​లో సీఎం చంద్రబాబు, మంత్రి లోకేశ్​తో చేయాలనుకున్నారట. కానీ గతంలో గెస్టుగా వచ్చిన పవర్ స్టార్ పవన్ కల్యాణ్ (Pawan Kalyan) ప్రస్తుతం ఏపీ డిప్యూటీ సీఎంగా ఉన్న విషయం తెలిసిందే. ఈ క్రమంలో ఆయన కూడా ఈ షోకు గెస్టుగా వస్తే.. ఈ ముగ్గురితో రెండు ఎపిసోడ్లు షూట్ చేయొచ్చని ఆహా టీమ్ భావిస్తోందట. ఇక ఆ తర్వాత ఎపిసోడ్​లో ఐకాన్ స్టార్ అల్లు అర్జున్ రానున్నాడట. ఇక మలయాళం సూపర్ స్టార్ దుల్కర్ సల్మాన్ (Dulquer Salman) కూడా ఈ సీజన్​లో గెస్టుగా రానున్నట్లు సమాచారం.