బాస్​ను కలిసిన కింగ్.. ANR అవార్డుల వేడుకకు చిరంజీవికి ఆహ్వానం

Mana Enadu : టాలీవుడ్ అగ్రనటులు ఒక వేదికపై కనిపిస్తే అభిమానులకు పండగే పండగ. అది కూడా మెగాస్టార్ చిరంజీవి, నటసామ్రాట్ అక్కినేని నాగార్జున ఒకే వేదిక పంచుకుంటే ఇక సందడి అంతా ఇంతా కాదు. త్వరలోనే ఈ ఇద్దరు స్టార్ హీరోలు ఒక చోటుకు రానున్నారు. ఏఎన్నార్ అవార్డుల(ANR Awards 2024) కార్యక్రమం దీనికి వేదిక కానుంది. ఈ క్రమంలోనే చిరంజీవిని (Chiranjeevi) హీరో నాగార్జున కలిశారు.

త్వరలో జరగనున్న ఏఎన్నార్‌ అవార్డుల కార్యక్రమానికి చిరును నాగ్ ప్రత్యేకంగా ఆహ్వానించారు. ఈ ఫొటోలను నాగార్జున తాజాగా తన సోషల్‌ మీడియాలో షేర్ చేశారు. ‘ఈ ఇయర్ నాకు చాలా స్పెషల్. నాన్న ఏఎన్నార్ శతజయంతి(ANNAR Centenary 2024) వేడుకలు ఘనంగా జరుపబోతున్నాం. ఈ వేడుకకు మెగాస్టార్లు చిరంజీవి, అమితాబ్‌ బచ్చన్‌ రానున్నారు. వారి రాకతో ఈ వేడుక మరింత ప్రత్యేకం కానుంది. ఈ శతజయంతి వేడుకను మరుపురానిదిగా చేద్దాం’ అని పోస్టు కింద అందమైన క్యాప్షన్ జత చేశారు.

2024కు గాను ఏయన్నార్‌ జాతీయ అవార్డు (ANR National Award)ను చిరంజీవికి ఇవ్వనున్నట్టు నాగార్జున (Nagarjuna) గతంలోనే ప్రకటించిన విషయం తెలిసిందే. అక్టోబరు 28వ తేదీన ఈ కార్యక్రమం జరగనుంది. ఈ ఈవెంట్​కు బాలీవుడ్‌ బిగ్ బీ అమితాబ్‌ బచ్చన్‌ ముఖ్య అతిథిగా హాజరుకానున్నారు. ప్రస్తుతం నాగార్జున షేర్ చేసిన ఫొటోలు నెట్టింట బాగా వైరల్ అవుతోంది. ఇద్దరు స్టార్ హీరోలను ఒకే ఫ్రేమ్​లో చూడటం చాలా ఆనందంగా ఉందంటూ ఫ్యాన్స్ కామెంట్లు పెడుతున్నారు.

ఇక ఈ హీరోల సినిమాల సంగతికి వస్తే సెకండ్ ఇన్నింగ్స్​లో సూపర్ స్పీడ్​గా వెళ్తున్న చిరంజీవి డైరెక్టర్ వశిష్ట తెరకెక్కిస్తున్న ‘విశ్వంభర(Vishwambhara)’ లో నటిస్తున్నారు. ఈ మూవీలో చిరంజీవి హనుమాన్‌ భక్తుడిగా కనిపించనున్నారు. మరోవైపు నాగార్జున.. ధనుష్ ప్రధాన పాత్రలో శేఖర్ కమ్ముల డైరెక్షన్లో వస్తున్న ‘కుబేర(Kubera)’లో నటిస్తున్నారు.

This year is extra special as we celebrate the 100th birth anniversary of my father, ANR garu! 🎉 Honoured to invite @SrBachchan ji and Megastar @KChiruTweets garu to the ANR Awards 2024 to mark this milestone! 🙏

Let’s make this award function unforgettable! 🙌… pic.twitter.com/hFylBsEfxq

— Nagarjuna Akkineni (@iamnagarjuna) October 25, 2024