Desk
తమిళ నటుడు విశాల్ (Actor Vishal) తెలుగువారికీ సుపరిచతమే. ఆయన సినిమాల విషయంలోనే కాకుండా పెళ్లి విషయంలో తరచూ వార్తల్లో నిలుస్తుంటారు. ఇప్పటికే త్వరలో హీరో విశాల్ వివాహం అంటూ చాలా సార్లు వార్తలు వచ్చాయి. కానీ ఒక్కటి కూడా పెళ్లి పీటల వరకు వెళ్లలేదు. ఇక గతంలో నటి అనీషాతో ఏకంగా నిశ్చితార్థం కూడా జరిగింది. కానీ ఏవో కారణాల వల్ల ఆ పెళ్లి రద్దయింది. ఆ తర్వాత పలువురు నటీమణులతో ఆయన ప్రేమాయణం సాగిస్తున్నట్లు వార్తలు వచ్చినా ఒక్కటీ అధికారికంగా కన్ఫామ్ కాలేదు.
మరోసారి తెరపైకి విశాల్ వివాహం
ఇక తాజాగా తాను త్వరలోనే పెళ్లి చేసుకుంటానని నటుడు విశాల్ (Vishal) ఇటీవల ప్రకటించడంతో మరోసారి ఆయన వివాహం గురించి పలు వార్తలు తెరపైకి వచ్చాయి. తమిళ హీరోయిన్ సాయి ధన్సిక (Sai Dhanshika)తో ఆయన వివాహ బంధంలోకి అడుగుపెట్టబోతున్నట్లు తమిళ మీడియా కోడై కూస్తోంది. గత కొంతకాలంగా ప్రేమలో ఉన్న ఈ జంట త్వరలోనే ఏడడుగులు వేయాలని నిర్ణయించినట్లు సమాచారం. అయితే ఈ వార్తలపై ఇటు విశాల్ కానీ అటు సాయి ధన్సిక మాత్రం స్పందించలేదు.
There are reports that actor Vishal and actress Sai Dhanshika are getting married.#vishal #SaiDhanshika pic.twitter.com/gNQvfLoUP5
— தினஉருட்டு (@Dhinauruttu) May 19, 2025
త్వరలోనే పెళ్లి చేసుకుంటా
ఇక గతంలోనూ విశాల్ వివాహంపై ఎన్నో వార్తలు వచ్చాయి. నటి వరలక్ష్మి, మరో నటి అభినయ వంటి పలువురు హీరోయిన్స్ పేర్లు కూడా వార్తల్లో నిలిచాయి. కానీ వాళ్లిద్దరు వేరే వారితో వివాహ బంధంలోకి అడుగుపెట్టడంతో ఆ వార్తలన్నీ పుకార్లుగానే మిగిలిపోయాయి. ఇక తాజాగా ‘నడిగర్ సంఘం’ బిల్డింగ్ నిర్మాణం పూర్తైన వెంటనే తాను పెళ్లి చేసుకుంటానని గతంలో ప్రకటించిన విశాల్.. ఇటీవల ఆ బిల్డింగ్ నిర్మాణం పూర్తి కావడంతో తన పెళ్లి గురించి మాట్లాడుతూ త్వరలోనే పెళ్లి చేసుకుంటానని చెప్పుకొచ్చారు.
admin
swarna boddula
