వీకెండ్ మస్తీ.. ‘తండేల్’ టు ‘లైలా’ ఓటీటీలోకి వచ్చేసిన సినిమాలివే

వీకెండ్ వచ్చేసింది. కుటుంబమంతా కలిసి జాలీగా గడిపాలనుకుంటున్నారా..? స్నేహితులతో కలిసి ఏదైనా సినిమా చూడాలనుకుంటున్నారా..? బయటకు వెళ్లకుండా ఇంట్లోనే జాలీగా ఎంజాయ్ చేయాలనుకుంటున్నారా..? అయితే మీకోసమే సూపర్ ఎంటర్టైన్మెంట్ ఇచ్చే సినిమాలు, వెబ్ సిరీస్ లు రెడీ అయ్యాయి. ఈ వారంతంలో ఓటీటీలోకి బ్లాక్ బస్టర్ సినిమాలు వచ్చేశాయి. మరి ఏ చిత్రాలు ఏ ఓటీటీలో సందడి చేస్తున్నాయో చూద్దామా..?

తండేల్ : నాగచైతన్య, సాయి పల్లవి జంటగా నటించిన మూవీ తండేల్. చాలా రోజులుగా సాలిడ్ హిట్ కోసం వేచి చూస్తున్న చైతూకు తండేల్ సూపర్ సర్ ప్రైజ్ ఇచ్చింది. బాక్సాఫీస్ వద్ద వసూళ్ల వర్షం కురిపించింది. ఫిబ్రవరి 7వ తేదీన విడుదలైన ఈ సూపర్ హిట్ చిత్రం ఇప్పుడు నెట్ ఫ్లిక్స్ వేదికగా మార్చి 7వ తేదీ నుంచి అందుబాటులోకి వచ్చింది.

లైలా : మాస్ కా దాస్ విశ్వక్ సేన్ హీరోగా ఆకాంక్ష శర్మ హీరోయిన్ గా నటించిన మూవీ లైలా. విశ్వక్ సేను లేడీ గెటప్ లో నటించిన ఈ చిత్రం బాక్సాఫీస్ వద్ద డిజాస్టర్ టాక్ తెచ్చుకుంది. అందుకే విడుదలై నెల రోజులు కూడా తిరక్కుండానే ఈ మూవీ ఓటీటీలోకి వచ్చేసింది. ఆహాలో మార్చి 7వ తేదీ నుంచి స్ట్రీమింగ్ అవుతోంది.