adminMana Enadu: ప్రస్తుతం అందరూ డిజిటల్ పేమెంట్ వైపే మొగ్గు చూపుతున్నారు. రూపాయి చాక్లెట్ నుంచి పది రూపాయల చాయ్ వరకు, కూరగాయల నుంచి దుస్తులు, ఎలక్ట్రానిక్ పరికరాల వరకు అందరూ యూపీఐ యాప్స్ నే పేమెంట్ కోసం వాడుతున్నారు.
అందులోనూ ముఖ్యంగా గూగుల్ పే ను ఎక్కువగా ఉపయోగిస్తున్నారు. అయితే చిన్న చిన్న ట్రాన్సాక్షన్స్ కూడా గూగుల్ పేలో నమోదవుతున్నాయి. దానివల్ల అందులో హిస్టరీ పెరిగి చాంతాడంతా అవుతోంది. అయితే ట్రాన్సాక్షన్ హిస్టరీ నుంచి మీకు అవసరం లేని వివరాలను డిలీట్ చేయొచ్చని తెలుసా..? అదెలాగంటే..?
గూగుల్ పే హిస్టరీ ఎలా డిలీట్ చేయాలంటే!
గూగుల్ పే యాప్లో ప్రొఫైల్పై ట్యాప్ చేసి ‘Settings’లోకి వెళ్లి ‘Privacy & Security’ ఆప్షన్పై క్లిక్ చేయండి
‘Data & Personalization’ అనే ఆప్షన్ను ఎంచుకొని గూగుల్ అకౌంట్ లింక్పై నొక్కండి
తర్వాత ‘Manage your Google pay experience’ పేజ్ని కిందకు స్క్రోల్ చేస్తే గూగుల్ పే లావాదేవీల హిస్టరీ అంతా కనిపిస్తుంది.
ఇప్పుడు ఆ లిస్టులో మీరు అవసరం లేదనుకుని తొలగించాలనుకున్న లావాదేవీని డిలీట్ చేయొచ్చు.
ఇంకా కావాలంటే.. టైమ్ ఫ్రేమ్ను ఎంచుకొని ఆ డేటా మొత్తాన్నీ తొలగించొచ్చు.
మొత్తం హిస్టరీని కూడా డిలీట్ చేసే ఆప్షన్ ఉంది.
Desk
swarna boddula
