Mana Enadu: భారత ప్రధాన న్యాయమూర్తి డీవై చంద్రచూడ్(Chief Justice of India DY Chandrachud) తన వారసుడిగా జస్టిస్ సంజీవ్ ఖన్నా(Justice Sanjiv Khanna)ను అధికారికంగా ప్రతిపాదించారు. నవంబర్ 11న తాను పదవీ విరమణ చేస్తున్నందున, జస్టిస్ ఖన్నా తన వారసుడిగా ప్రకటిస్తున్నట్లు ప్రధాన న్యాయమూర్తి చంద్రచూడ్ కేంద్ర న్యాయశాఖకు లేఖ రాశారు. ప్రభుత్వ ఆమోదం పొందిన తర్వాత, జస్టిస్ ఖన్నా భారత 51వ ప్రధాన న్యాయమూర్తిగా నియమితులవుతారు. మే 13, 2025న పదవీ విరమణ చేయడానికి ముందు 6 నెలల సుప్రీంకోర్టు(Supreme Court) న్యాయమూర్తిగా ఉంటారు.

 నవంబర్ 10న పదవీ విరమణ

డీవై చంద్రచూడ్(CJI DY Chandrachud) నవంబర్ 10న పదవీ విరమణ చేయనుండగా.. సంప్రదాయం ప్రకారం పదవిలో తన వారసుడి పేరును కోరుతూ గతవారం ప్రభుత్వం ఆయనకు లేఖ రాసింది. కాగా సుప్రీంకోర్టు న్యాయమూర్తులు 65 సంవత్సరాల వయస్సులో పదవీ విరమణ చేస్తారు. అతను 1983లో ఢిల్లీ బార్ కౌన్సిల్‌(Delhi Bar Council)లో న్యాయవాదిగా నమోదు చేసుకున్నారు.

హైకోర్టు ప్రధాన న్యాయమూర్తి కాకముందే..

అంతకుముందు ఆయన తీస్ హజారీ కాంప్లెక్స్‌లోని జిల్లా కోర్టు, తర్వాత ఢిల్లీ హైకోర్టు, ట్రిబ్యునళ్ల(Delhi High Court and Tribunals)లో ప్రాక్టీస్ చేశారు. జస్టిస్ ఖన్నా ఆదాయపు పన్ను శాఖ(Income Tax Department)కు సీనియర్ స్టాండింగ్ కౌన్సెల్‌గా కూడా పనిచేశారు. 2004లో ఢిల్లీ నేషనల్ క్యాపిటల్ టెరిటరీకి స్టాండింగ్ కౌన్సెల్ (CIVIL) అయ్యారు. జనవరి 18, 2019న ఆయన హైకోర్టు ప్రధాన న్యాయమూర్తి కాకముందే, సుప్రీంకోర్టు న్యాయమూర్తిగా పదోన్నతి పొందారు. ఆయన ప్రస్తుతం నేషనల్ లీగల్ సర్వీసెస్ అథారిటీ ఎగ్జిక్యూటివ్ చైర్మన్(Executive Chairman, National Legal Services Authority), నేషనల్ జ్యుడిషియల్ అకాడమీ(National Judicial Academy), భోపాల్ గవర్నింగ్ కౌన్సెల్ సభ్యుడిగా ఉన్నారు.

Chief Justice of India DY Chandrachud has formally proposed Justice Sanjiv Khanna as his successor. In a communication to the Union government, Chief Justice Chandrachud stated that since he is demitting office on November 11, Justice Khanna would be his successor.

Upon approval… pic.twitter.com/LgH8PqvDyr

— ANI (@ANI) October 17, 2024