adminఓ క్రికెటర్ మైదానంలోనే ప్రాణాలు కోల్పోయాడు. మహారాష్ట్రలోని పుణే వేదికగా జరిగిన ఎగ్జిబిషన్ మ్యాచ్లో ఓ ప్లేయర్ గ్రౌండ్లోనే కుప్పకూలిపోయి ప్రాణాలు వదిలాడు. ఆల్రౌండర్ అయిన 35 ఏళ్ల ఇమ్రాన్ పటేల్ (Imran Patel) ఓపెనర్గా క్రీజులోకి వచ్చాడు. కాసేపటికే ఎడమవైపు ఛాతీలో నొప్పిగా ఉందని సహచర క్రికెటర్లకు చెప్పాడు. ఆ తర్వాత అంపైర్లతో చర్చించి డగౌట్కు వెళ్తూ కుప్పకూలిపోయాడు. అది చూసిన సహచర ఆటగాళ్లు, ప్రేక్షకులు భయపడిపోయారు. ఆ మ్యాచ్ లైవ్ స్ట్రీమింగ్ జరుగుతుండడంతో వీడియోలు బయటకు వచ్చేశాయి.
అప్రమత్తమై వెంటనే ఇమ్రాన్ పటేల్ను ఆస్పత్రికి తరలించినా ఫలితం లేదు. అతడు అప్పటికే చనిపోయాడని డాక్టర్లు నిర్ధారించారు. తోటి క్రికెటర్ మృతితో సహచరులంతా బాధలో మునిగిపోయారు. ఎంతో ఫిట్గా ఉండే ఇమ్రాన్కు ఇలా జరుగుతుందని అస్సలు ఊహించలేదని, ప్రతి మ్యాచ్లోనూ ఎంతో యాక్టివ్గా ఉంటాడని పేర్కొన్నారు. గతంలో ఎన్నడూ అతడు అనారోగ్య సమస్యలు ఎదుర్కోలేదన్నారు. ఆటపై ఎంతో ప్యాషన్ ఉన్న ఇమ్రాన్ లాంటి క్రికెటర్ను కోల్పోవడం దిగ్భ్రాంతికి గురిచేసిందని వాపోయారు.
మృతుడు ఇమ్రాన్కు భార్య, ముగ్గురు కుమార్తెలు, ఒక కొడుకు ఉన్నారు. బాలుడి వయసు కేవలం నాలుగు నెలలు మాత్రమే. పుణెలో ఇదే ఏడాది సెప్టెంబర్లో హబీబ్ షేక్ అనే క్రికెటర్ కూడా గ్రౌండ్లోనే ప్రాణాలు కోల్పోయాడు. అతడికి అప్పటికే డయాబెటిస్ సమస్య ఉంది.
Desk
swarna boddula
