తాగిన మత్తులో ‘జైలర్’ విలన్ వీరంగం.. వీడియో వైరల్

‘జైలర్ (Jailer Movie)’ సినిమాలో ‘వర్త్ వర్మా వర్త్’.. అనే డైలాగ్ తో బాగా పాపులర్ అయిన విలన్ వినాయకన్ (Vinayakan). ఈ మలయాళ నటుడు తన విలన్ రోల్స్ తోనే కాదు.. రియల్ లైఫ్ లో పలు వివాదాలతో తరచూ వార్తల్లో నిలుస్తుంటాడు.  గతంలో తప్ప తాగి పోలీసులతో గొడవ పడి అరెస్టయిన విషయం తెలిసిందే. తాజాగా మరోసారి ఫుల్లుగా మందు తాగి తన ఇంటి మేడపై అర్ధనగ్నంగా తిరుగుతూ ఇరుగు పొరుగు వారితో గొడవ పడ్డాడు. దీనికి సంబంధించిన వీడియో ఇప్పుడు నెట్టింట బాగా వైరల్ అవుతోంది.

వినాయకన్ వీడియో వైరల్

ఈ వీడియోలో వినాయన్ (Vinayakan Video Viral) కేవలం లుంగీపైనే ఉన్నాడు. పైన షర్ట్ ఏం ధరించకుండా అర్ధనగ్నంగా మేడపై అటూ ఇటూ తిరుగుతూ పక్కింటి వారితో గొడవపడ్డాడు. లుంగీ జారిపోతున్నా చూసుకోకుండా కంట్రోల్ లేకుండా ఇతరులకు ఇబ్బంది కలిగేలా ప్రవర్తించాడు. ఇలా అసభ్యకరంగా ప్రవర్తించడంపై ప్రశ్నించగా ఇరుగు పొరుగును బూతులు తిడుతూ నానా రభస చేశాడు. దీంతో చుట్టుపక్కల వారు పోలీసులకు ఫిర్యాదు చేసినట్లు సమాచారం.

എന്തുവാടേയ് ഇതൊക്കെ….ഫുൾ കിളിയും പോയോ ?#vinayakan pic.twitter.com/Eut0mFz7Dq

— 𝗦𝗶𝗷𝗼 𝗝𝗼𝘀𝗲𝗽𝗵 (@sijo_jsp) January 20, 2025

ఇండస్ట్రీ నుంచి బహిష్కరించాలి

ఇప్పుడు వినాయకన్ విపరీత ప్రవర్తనకు సంబంధించిన వీడియో సోషల్ మీడియాలో బాగా వైరల్ అవుతోంది. సినిమాల్లో విలన్ రోల్స్ చేస్తూ పాపులారిటీ తెచ్చుకున్న ఈ నటుడు ఇప్పుడు తన ప్రవర్తనతో ఇలా తరచూ వివాదాల్లో చిక్కుకుంటున్నాడు. మరోవైపు పదే పదే ఇండస్ట్రీ పరువు తీసే విధంగా ప్రవర్తిస్తున్న వినాయకన్‌ను సినిమాల్లో నటించకుండా బహిష్కరించాలి అంటూ కొందరు డిమాండ్‌ చేస్తున్నారు.