adminMana Enadu: రోజులు మారాయ్.. అవును! మీరు ఔనన్నా.. కాదన్నా. ప్రస్తుత ఉరుకుల పరుగుల జీవితంలో జనం తమ ఆరోగ్యాన్ని గాలికి వదిలేస్తున్నారు. రోడ్ సైడ్ ఏ ఫుడ్ పడితే ఆ ఫుడ్ ఆవురుమని ఆరగించేస్తున్నారు. దీంతో ఆనారోగ్యాల బారిన పడి ఆసుపత్రుల చుట్టూ తిరుగుతున్నారు. బిజీలైఫ్ కారణంగా చాలా మంది తినడానికి సమయం కేటాయించడం లేదు. ఇక సమతుల్య ఆహారం అంటే ఏంటి అనే పరిస్థితి నెలకొంది.
అందుకే ఉదయం నుంచి రాత్రి పడుకునే వరకు ఎప్పుడైనా పండ్లు తినమని వైద్యులు సూచిస్తుంటారు. ఎందుకంటే ఫ్రూట్స్ హెల్త్కి ఎంతో మేలు చేస్తాయి. ముఖ్యంగా రోజుకో యాపిల్ తింటే డాక్టర్ దగ్గరకు వెళ్లాల్సిన అవసరం ఉండదట. ఇక నారింజలో విటమిస్ సీ పుష్కలంగా ఉంటుంది. ఇది రోగనిరోధక శక్తిని పెంచడంతోపాటు చర్మాన్ని ఆరోగ్యంగా ఉంచుతుంది. మరీ ఈ రెండు పండ్లలో ఎందులో ఎక్కువ పోషకాలు ఉన్నాయి. ఈ రెండింటిలో ఏ పండు ఆరోగ్యానికి ఎక్కువ మేలు చేస్తుందో ఇప్పుడు తెలుసుకుందాం..
గుండెకు మేలు..
ఆరేంజ్, యాపిల్ రెండూ రోగనిరోధశక్తిని పెంచడంతో పాటు గుండెను ఆరోగ్యంగా ఉంచుతాయి. నారింజలో విటమిన్ సి, యాపిల్స్ లో క్వెర్సెటిన్ అనే విభిన్న పోషకాలు ఉన్నాయి. ఇవి మన గుండె ఆరోగ్యానికి ఎంతో మేలు చేస్తాయట. అయితే న్యూయార్క్ చెందిన ప్రివెంటివ్ కార్డియాలజీ డైటీషియన్లో ప్రచురించిన ఓ కథనం ప్రకారం..నారింజ వర్సెస్ యాపిల్ రెండింటిలో ఏది మంచిదనే విషయాన్ని వెల్లడించారు. అయితే ప్రతి పండు ఆరోగ్యానికి మేలు చేస్తుందన్న విషయాన్ని గుర్తుంచుకోవాలి వైద్యులు చెబుతున్నారు.
రెండింటిలోనూ భిన్నమైన రుచులు
ఈ రెండు పండ్లు కూడా భిన్నమైన రుచులను కలిగి ఉంటాయి. 182 గ్రాముల బరువున్న యాపిల్ పండులో 25 గ్రాముల కార్బోహైడ్రేట్లు, 4.4 గ్రాముల ఫైబర్, 95 కేలరీలు, 1 గ్రాము కంటే తక్కువ ప్రోటీన్,కొవ్వు ఉంటాయి. రోజుకో యాపిల్ తిటే 14శాతం విటమిన్ సీ మన శరీరానికి అందుతుంది. నారింజ 66 కేలరీలు, 86శాతం నీటి కంటెంట్, 1.3 గ్రాముల ప్రోటీన్, 14.8 గ్రాముల కార్బోహైడ్రేట్లు, 12 గ్రాముల చక్కెర, 2.8 గ్రాముల ఫైబర్, 0.2 గ్రాముల కొవ్వు ఉంటుంది. రోజుకో ఆరేంజ్ తింటే 92శాతం విటమిన్ సిను అందిస్తుంది.
అందుకే రోజువారీ డైట్లో నారింజ, యాపిల్ను చేర్చుకుంటే విటమిన్ సీ తోపాటు ఏ కూడా శరీరానికి అందుతుంది. అందుకే యాపిల్, నారింజ రెండింటినీ మనం డైట్లో చేర్చుకోవచ్చని అధ్యయనం చెబుతోంది. వీటితో పాటు ఉసిరి, బత్తాయి, ఖర్జూర, ఫైనాపిల్ వంటి పండ్లను డైలీ తీసుకుంటే హెల్దీ ఆరోగ్యం మీ సొంతం.
tags: lifestyle,apples,orange,health,experts report, busylife
Desk
swarna boddula
