adminMana Enadu:పచ్చబొట్టు.. అదేనండి టాటూ.. ఇప్పుడు యువత చాలా మంది తమ శరీరంపై టాటూస్ వేయించుకుంటున్నారు. ఒకప్పుడు ఏ వ్యక్తిపైనేనా అమితమైన ప్రేమ ఉంటే వారి గుర్తుగా ప్రేమగా పచ్చబొట్టు వేయించుకునే వాళ్లు. కానీ నేటి తరం మాత్రం ఫ్యాషన్ పోకడలోకి జారుకుని ట్రెండ్ అనే పేరుతో టాటూలు వేయించుకుంటున్నారు. ఎక్కడపడితే అక్కడ పచ్చబొట్లు పొడిపించుకుంటూ.. కాదేది టాటూకు అనర్హం అన్నట్లు తమ సరదా తీర్చేసుకుంటున్నారు. ఇక కొందరైతే ఒళ్లంతా టాటూలు వేయించుకుని వింతగా కనిపిస్తుంటారు.
అయితే ఇలా టాటూలు వేయించుకోవడం ట్రెండ్ అయిపోయినా.. వీటి వల్ల కొన్నిసార్లు శరీరానికి ముప్పు పొంచి ఉంటుందట.. టాటూలు వేసుకోవడం వల్ల ఫ్యూచర్ లో ఆరోగ్య సమస్యలు ఎదుర్కోవాల్సి వస్తుందట. మరి మీరు పచ్చబొట్టు వేయించుకున్నారా.. మీ శరీరంలో టాటూ ఎక్కడ ఉంది.. భవిష్యత్ లో వాటి వల్ల మీకు ఎలాంటి రిస్క్ ఎదురవనుంది.. ఈ విషయాలపై పలువురు నిపుణులు పరిశోధనలు చేసి కొన్ని విషయాలు వెల్లడించారు. అవేంటంటే..
ఈ పరిశోధనలో 75 రకాల టాటూ ఇంకులను పరీక్షించగా వాటిలో 26 శాంపిల్స్ లో ప్రమాదకరమైన బ్యాక్టీరియా ఉందని తేలింది. ఆ ఇంకు సూదితో కలిసినప్పుడు ఇన్ఫెక్షన్ అవుతుందని గుర్తించారు. దీనివల్ల కెమికల్స్ ప్రభావం చర్మంపైన మాత్రమే కాకుండా శరీరం లోపలకు కూడా వ్యాపిస్తుందని పరిశోధనలో తేలినట్లు నిపుణులు చెప్పారు. కొన్నిసార్లు ఈ ఇన్ఫెక్షన్లు ప్రాణాలకు ముప్పు కలిగిస్తాయట. మరి టాటూల్లో ప్రాణహాని కలిగించే ఇన్ఫెక్షన్లు ఏమేం ఉన్నాయంటే?
టాటూల్లో ప్రాణహాని కలిగించే ఇన్ఫెక్షన్లు ఇవే..
కెలాయిడ్స్ : ఈ ఇన్ఫెక్షన్ లో టాటూ చుట్టువైపులా ఉబ్బుతుంది.
అలర్జిక్ రియాక్షన్స్ గ్రాన్యులోమా : తెల్ల రక్త కణాల్లో నాన్ క్యాన్సిరస్ క్లస్టర్ ఏర్పడతాయి.
సెప్టిక్ షాక్ : ఇన్ఫెక్షన్కు గురైన వెంటనే బీపీ తగ్గిపోతుంది.
ఎండోకార్డిటైస్ : గుండె అంతర్భాగంలో ఇన్ఫెక్షన్ వస్తుంది.
బ్యాక్టీరేమియా : రక్తంలో బ్యాక్టీరియా ఉండటం.
టాటూ వేసుకున్న తర్వాత ఈ జాగ్రత్తలు తీసుకుంటే సరి..
టాటూ వేసుకున్న చోట పొడిబారకుండా చూసుకోవాలి
టాటూపై సన్లైట్ పడకుండా జాగ్రత్త తీసుకోవాలి.
టాటూ వేసినప్పుడు ఏర్పడే పుండు తగ్గేవరకూ స్విమ్మింగ్ పూల్స్ కు దూరంగా ఉండాలి
మురికి చేతులతో టాటూను తాకొద్దు.
swarna boddula
Desk
