Maheshమన ఈనాడు:
బీఆర్ఎస్కు ఎంఆర్పీఎస్ అండగా నిలబడుతుందని, ఉప్పల్ బీఆర్ఎస్(BRS) అభ్యర్థి బండారి లక్ష్మారెడ్డిని గెలుపించుకుంటామని ఎంఆర్పీఎస్ (MRPS)రాష్ట్ర అధ్యక్షుడు వంగపల్లి శ్రీనివాస్ అన్నారు. హబ్సిగూడ సుప్రభాత్ హోటల్లో సోమవారం మాదిగల ఆత్మీయ సమావేశం నిర్వహించారు.
సబ్బండవర్గాల ప్రజల పక్షాన నిలబడటానికి బీఆర్ఎస్ పార్టీ అభ్యర్థుల గెలుపు కోసం రాష్ట్ర వ్యాప్తంగా ఎంఆర్పీఎస్ మద్దతు ఇస్తుందని ప్రకటించారు. దళితబంధు, కల్యాణలక్ష్మి వంటి పథకాలతో దళిత కుటుంభాల సంక్షేమం శ్రేయస్సు కోసం కృషి చేసి సక్సెస్ అయిందన్నారు. అంతేగాకుండా రాష్ట్ర వ్యాప్తంగా నియోజకవర్గ కేంద్రాలలో మహిళా డిగ్రీ కళాశాలలు ఏర్పాటు చేసే విషయంలో తమ పోరాటం కొనసాగుతుందన్నారు.
గడిచిన 25ఏళ్లుగా మాదిగ కుటుంభాలతో బంధుత్వం బండారి కుటుంబంతో ఉందని గుర్తు చేశారు. కుల,మతాలకు అతీతంగా పేదల పక్షాన నిలబడే బీఎల్ఆర్(BLR) గెలుపించుకోడానికి అహర్నిశలు పనిచేస్తామని తెలిపారు. ఈకార్యక్రమంలో ఎంఆర్పీఎస్ గౌరవ అధ్యక్షుడు సండ్రపల్లి వెంకటయ్య, జాతీయ అధ్యక్షుడు మేడి పాపయ్య, కోర్ కమిటీ సభ్యులు నాగారం బాబు, మంచాల యాదగిరి, నెమిళ్ల భాగ్యమ్మ, బొల్లం జ్యోతి, గద్దల దుర్గయ్య, గొర్ల జగన్, మైలారం నాగేందర్, వేముల హరిబాబు పాల్గొన్నారు.
