మల్లాపూర్​​ కారుతో జత కట్టిందా..?హస్తంతో నిలిచిందా.?

మన ఈనాడు:గత నెలరోజులుగా హోరాహారీగా ఎన్నికల ప్రచారం నిర్వహించారు. గురువారంతో పోలింగ్​ ముగిసింది. ఇక అభ్యర్థుల్లో టెన్షన్​ మొదలైంది. ఉప్పల్​ నియోజకవర్గంలో ప్రధాన పార్టీలైన కాంగ్రెస్​, బీఆర్​ఎస్​ మధ్య పోటీ నడిచింది. ఉదయం నుంచి సాయంత్రం వరకు పోలింగ్​ మందకొడిగానే సాగింది. 2018లో ఉప్పల్లో 51.65పోలింగ్​ శాతం నమోదు అయింది. తాజాగా నిన్నటి ఎన్నికల్లో 51.35శాతం పోలింగ్​ నమోదు చేసుకుంది.

మల్లాపూర్​లో ‘కారు’కు హ్యాండ్​:
ప్రధానంగా బీఆర్​ఎస్​ అభ్యర్థి బండారి లక్ష్మారెడ్డి మల్లాపూర్ పోలింగ్​పైనే ఆశలు పెట్టుకున్నారు. అత్యధిక మెజార్టీ కారుకు వస్తుందని నేతలు అంచనాలు వేశారు. కానీ ఇక్కడే సీన్​ రివర్స్​ అయింది. బుధవారం అర్థరాత్రి అధికారపార్టీ అభ్యర్థి డబ్బు పంపిణీలో పూర్తిగా విఫలం అయ్యారని టాక్​ నడిచింది. దీంతో ఓటర్లు మనస్సు మార్చుకుని కాంగ్రెస్​ వైపు చూసినట్టు తెలుస్తోంది.
బూతుల్లో మెజార్టీ దిశగా హస్తం:
మల్లాపూర్​ డివిజన్​లో సైలెంట్​గా కాంగ్రెస్​ పార్టీ మెజార్టీ సాధించే దిశగా ఓటర్లును ప్రభావితం చేసింది. ప్రధానంగా 142,143,144,145,146,147,148,149,151,152,157,169,170,172,178,179,180,181, 211,212,పోలింగ్​ బూతుల్లో స్పష్టమైన ఆధిక్యత వచ్చేలా కాంగ్రెస్​ పార్టీ నాయకులు అడుగులు వేశారు. పదిహేను రోజులుగా కాంగ్రెస్​ పార్టీ కార్యకర్తలు, నాయకులు ఓటర్లును కలుస్తూ ఆరు గ్యారంటీలపై హమీనిస్తూ..ప్రభుత్వ వ్యతిరేఖ ఓటను కాంగ్రెస్​కు బదలాయించడంలో పూర్తిగా సక్సెస్​ అయినట్లు తెలుస్తుంది. రాష్ర్టంతోపాటు ఉప్పల్​ కాంగ్రెస్​ అభ్యర్థి మందముల పరమేశ్వరరెడ్డి గెలుపు పక్కా అంటూ విశ్లేషకులు భావిస్తున్నారు.