Sperm Race: ఇదేందయ్యా ఇదీ.. ప్రపంచంలోనే తొలిసారి స్పెర్మ్ రేస్.. ఎక్కడంటే?

ప్రపంచంలో ఇప్పటివరకు మీరు అనేక రకాల రేసులు చూసి ఉండవచ్చు. కానీ, ఇప్పుడు జరగబోయే రేస్ మాత్రం చాలా ఆశ్చర్యకరమైనది. అవును.. ఇది నిజమే.. ప్రపంచంలోనే మొట్టమొదటి స్పెర్మ్ రేస్(Sperm Race) జరగబోతోంది. USAలోని లాస్‌ఏంజెలిస్‌(Los Angeles)లో ఈ స్పెషల్ కంపిటీషన్ నిర్వహిస్తున్నారు. నేటి బిజీబిజీ లైఫ్‌లో పురుషుల్లో లైంగిక సామర్థ్యం(Sexual ability), సంతానోత్పత్తి(Fertility) తగ్గుతున్న విషయం తెలిసిందే. దీంతో పురుషులలో తగ్గుతున్న సంతానోత్పత్తి రేటుపై అవగాహన కల్పించేందుకు స్పెర్మ్ రేస్ అనే ఒక స్టార్టప్ కంపెనీ(A startup company) ఈ వినూత్న కార్యక్రమాన్ని నిర్వహిస్తోంది. ఈ రేస్‌లో వెయ్యి మంది పాల్గొనబోతున్నారు.

ఆ సమస్యలపై అవగాహన పెంచేందుకే..

లాస్ ఏంజెలిస్‌లో ఈ నెల 25న ప్రపంచంలోనే మొట్టమొదటి స్పెర్మ్ రేస్ జరగబోతోంది. స్పెర్మ్ రేస్ అనే స్టార్టప్ కంపెనీ పురుషుల సంతానోత్పత్తి సమస్యల(Male fertility problems)పై అవగాహన పెంచడానికి ఈ ప్రత్యేకమైన కార్యక్రమాన్ని నిర్వహిస్తోంది. ఈ రేస్‌లో దాదాపు 1,000 మంది పాల్గొంటారు. రేస్ కోసం ప్రత్యేకంగా 20 సెంటీమీటర్ల పొడవైన మైక్రోస్కోపిక్ రేస్ ట్రాక్‌ల (Microscopic race track)ను తయారు చేశారు. పాల్గొనేవారి వీర్యం నమూనాలను ఈ ట్రాక్‌లపై ఉంచుతారు. ఏ నమూనాలోని స్పెర్మ్ ముందుగా ఫినిష్ లైన్‌ను చేరుకుంటుందో దానిని విజేతగా ప్రకటిస్తారు.

The world’s first sperm race, held in Los Angeles, is bringing male fertility into the public spotlight.#spermracing #fertility #sports #sportsbetting #losangelesevents #la #spermraces pic.twitter.com/rfNsleImN2

— Brut America (@brutamerica) April 17, 2025

ఈ రేస్ కేవలం వినోదం కోసం మాత్రమే కాకుండా, ఒక ముఖ్యమైన సామాజిక సందేశా(Social messaging)న్ని కూడా కలిగి ఉంది. పురుషులు తమ ఆరోగ్యానికి ప్రాధాన్యత ఇవ్వాలని, సంతానోత్పత్తికి సంబంధించిన సమస్యలపై అవగాహన పెంచుకోవాలని ఈ కార్యక్రమం ద్వారా పిలుపునిస్తున్నారు.